કોલકાતામાં ચિત્તરંજન નેશનલ કેન્સર ઇન્સ્ટિટ્યૂટના બીજા કેમ્પસનું આજે PM મોદી ઉદ્ઘાટન કરશે
દિલ્હીઃ ભારતમાં છેલ્લા કેટલાક વર્ષોમાં લોકોના આરોગ્યને ધ્યાનમાં રાખીને મેડિકલ સુવિધાઓમાં વધારો કરવામાં આવ્યો છે. દેશના વિવિધ રાજ્યોમાં હોસ્પિટલો ઉભી કરવામાં આવી છે. એટલું જ નહીં લોકોને મોંઘી દવામાંથી છુટકારો મળે તે માટે જેનરિક દવાઓને પ્રોત્સાહન આપવામાં આવી રહ્યું છે. દરમિયાન કોલકાતામાં ચિત્તરંજન નેશનલ કેન્સર ઇન્સ્ટિટ્યૂટ (CNCI)ના બીજા કેમ્પસ ઉભુ કરવામાં આવ્યું છે. CNCIનું બીજું કેમ્પસ રૂ. 530 કરોડથી વધુના ખર્ચે બાંધવામાં આવ્યું છે. આ કેમ્પસ એ 460 પથારીવાળું વ્યાપક કેન્સર સેન્ટર યુનિટ છે. સીએમસીઆઈના બીજા કેમ્પસનું વડાપ્રધાન નરેન્દ્ર મોદી આજે ઉદ્દઘાટન કરશે. આ કેમ્પસ ખાસ કરીને દેશના પૂર્વ અને ઉત્તર-પૂર્વીય ભાગોના કેન્સરના દર્દીઓની સંભાળ માટે ઉપયોગી સાહિત થશે.
વડાપ્રધાન નરેન્દ્ર મોદી વીડિયો કોન્ફરન્સિંગના માધ્યમથી આજે શુક્રવારે કોલકાતામાં ચિત્તરંજન નેશનલ કેન્સર ઇન્સ્ટિટ્યૂટ (CNCI)ના બીજા કેમ્પસનું બપોરે 1 વાગ્યે ઉદ્ઘાટન કરશે. CNCIનું બીજું કેમ્પસ દેશના તમામ ભાગોમાં આરોગ્ય સુવિધાઓના વિસ્તરણ અને અપગ્રેડેશનના પ્રધાનમંત્રીના વિઝનને અનુરૂપ બનાવવામાં આવ્યું છે. CNCI કેન્સરના દર્દીઓના ભારે ભારનો સામનો કરી રહ્યું હતું અને થોડા સમય માટે વિસ્તરણની જરૂરિયાત અનુભવાઈ રહી હતી. આ જરૂરિયાત બીજા કેમ્પસ દ્વારા પૂરી કરવામાં આવશે. CNCIનું બીજું કેમ્પસ રૂ. 530 કરોડથી વધુના ખર્ચે બાંધવામાં આવ્યું છે, જેમાંથી આશરે રૂ. 400 કરોડ કેન્દ્ર સરકાર દ્વારા અને બાકીના પશ્ચિમ બંગાળ સરકાર દ્વારા 75:25ના ગુણોત્તરમાં આપવામાં આવ્યા છે. કેમ્પસ એ 460 પથારીવાળું વ્યાપક કેન્સર સેન્ટર યુનિટ છે જેમાં કેન્સરના નિદાન, સ્ટેજીંગ, સારવાર અને સંભાળ માટે અત્યાધુનિક ઈન્ફ્રાસ્ટ્રક્ચર છે. કેમ્પસ ન્યુક્લિયર મેડિસિન (PET), 3.0 ટેસ્લા એમઆરઆઈ, 128 સ્લાઈસ સીટી સ્કેનર, રેડિયોન્યુક્લાઈડ થેરાપી યુનિટ, એન્ડોસ્કોપી સ્યુટ, આધુનિક બ્રેકીથેરાપી યુનિટ વગેરે જેવી આધુનિક સુવિધાઓથી સજ્જ છે. કેમ્પસ એક અદ્યતન કેન્સર સંશોધન સુવિધા તરીકે પણ કામ કરશે અને વ્યાપકપણે પ્રદાન કરશે.
