જેહાદી ઝાકિર નાઈકના સંગઠન ઇસ્લામિક રિસર્ચ ફાઉન્ડેશન પરનો પ્રતિબંધ પાંચ વર્ષ લંબાયો

નવી દિલ્હી, 13 નવેમ્બર, 2026 – The ban on Jihadi Zakir Naik’s organization કેન્દ્ર સરકારે જેહાદી ઇસ્લામિક ઉપદેશક ઝાકિર નાઈકના નેતૃત્વ હેઠળના ઇસ્લામિક રિસર્ચ ફાઉન્ડેશન (આઈઆરએફ) પર લાદવામાં આવેલા પ્રતિબંધને આગામી 5 વર્ષ માટે લંબાવી દીધો છે. ગૃહ મંત્રાલયે આજે 13 નવેમ્બર 2026ના રોજ આ સંબંધમાં જાહેરનામું બહાર પાડ્યું છે. તેમાં આઈઆરએફને ગેરકાયદે સંગઠન જાહેર કરીને પ્રતિબંધને 5 વર્ષ સુધી યથાવત રાખવાનો નિર્દેશ આપવામાં આવ્યો છે. સંગઠન પરના વર્તમાન પ્રતિબંધની મુદત 14 નવેમ્બર 2026ના રોજ પૂરી થઈ રહી હતી.

ગૃહ મંત્રાલયે આ બાબતે રાજપત્ર (ગેઝેટ) જારી કર્યું છે, તે અનુસાર આઈઆરએફની પ્રવૃત્તિઓ દેશની સુરક્ષા, શાંતિ, કોમી સૌહાર્દ અને બિનસાંપ્રદાયિક માળખા માટે હાનિકારક છે. કેન્દ્ર સરકારે ગેરકાયદે પ્રવૃત્તિઓ (નિવારણ) અધિનિયમ, 1967 (યુએપીએ)ની કલમ 3 હેઠળ આ કાર્યવાહી કરી છે.

गृह मंत्रालय ने इस्लामिक रिसर्च फाउंडेशन (IRF) पर लगे प्रतिबंध को, इसे एक गैर-कानूनी संगठन मानते हुए, और पांच साल के लिए बढ़ा दिया है। https://t.co/ZHqyRKYhS4

— ANI_HindiNews (@AHindinews) November 13, 2026

2016 અને 2021 માં પણ પ્રતિબંધ મૂકવામાં આવ્યો હતો

જાહેરનામા મુજબ કેન્દ્ર સરકારે આ અગાઉ 17 નવેમ્બર 2016 અને 15 નવેમ્બર 2021ના રોજ બહાર પાડવામાં આવેલા જાહેરનામા દ્વારા આઈઆરએફને ગેરકાયદેસર સંગઠન જાહેર કર્યું હતું. ત્યારબાદ ગેરકાયદે પ્રવૃત્તિઓ (નિવારણ) અધિનિયમની કલમ 5 હેઠળ રચાયેલી ટ્રિબ્યુનલે પણ સંગઠન પર પ્રતિબંધ મૂકવાના નિર્ણયને યોગ્ય ઠેરવ્યું હતું. ટ્રિબ્યુનલે 22 મે 2017 અને 30 માર્ચ 2022ના રોજ જારી કરાયેલા આદેશો દ્વારા સરકારની જાહેરાતોને યોગ્ય ઠેરવી હતી.

ઝાકિર નાઈકના ભાષણોને દેશની સુરક્ષા માટે ખતરો ગણાવ્યો

ગૃહ મંત્રાલયે જાહેરનામામાં જણાવ્યું છે કે સરકારનું માનવું છે કે આઈઆરએફ અને તેના સભ્યો, ખાસ કરીને સંગઠનનો સ્થાપક અને પ્રમુખ ઝાકિર અબ્દુલ કરીમ નાઈક ઉર્ફે ઝાકિર નાઈક પોતાના અનુયાયીઓને ધર્મના આધારે વિવિધ ધાર્મિક સમુદાયો વચ્ચે વૈમનસ્ય, નફરત અને દુર્ભાવના ફેલાવવા માટે ઉશ્કેરે છે.

સરકારના જણાવ્યા અનુસાર, ઝાકિર નાઈકનાં ભાષણો અને નિવેદનો વાંધાજનક અને દ્વેષપૂર્ણ છે. તેના માધ્યમથી વિવિધ ધાર્મિક જૂથો વચ્ચે નફરત અને વૈમનસ્યને પ્રોત્સાહન આપવામાં આવી રહ્યું છે. જાહેરનામામાં એવો પણ આરોપ મૂકવામાં આવ્યો છે કે તેનાં ભાષણો ભારત અને વિદેશમાં રહેતા એક ચોક્કસ ધર્મના યુવાનોને આતંકવાદી પ્રવૃત્તિઓ માટે પ્રેરિત કરી શકે છે.

મંત્રાલયે કહ્યું કે ઝાકિર નાઈકે આંતરરાષ્ટ્રીય સેટેલાઇટ ટીવી નેટવર્ક, ઇન્ટરનેટ, પ્રિન્ટ અને સોશિયલ મીડિયાના માધ્યમથી વિશ્વભરના લાખો લોકો સુધી કટ્ટરપંથી નિવેદનો અને ભાષણો પહોંચાડ્યાં છે.

સરકારે પ્રતિબંધ ચાલુ રાખવાના આધાર ગણાવ્યા

કેન્દ્ર સરકારનું કહેવું છે કે જો આઈઆરએફની પ્રવૃત્તિઓ પર તાત્કાલિક રોક લગાવવામાં નહીં આવે તો સંગઠન તેની દ્વેષપૂર્ણ પ્રવૃત્તિઓ ચાલુ રાખી શકે છે અને ફરાર કાર્યકરોને ફરીથી સંગઠિત કરી શકે છે. આ ઉપરાંત કોમી વૈમનસ્ય ફેલાવીને દેશના બિનસાંપ્રદાયિક માળખાને નુકસાન પહોંચાડવાની, રાષ્ટ્રવિરોધી ભાવનાઓનો પ્રચાર કરવાની અને ઉગ્રવાદને સમર્થન આપીને અલગતાવાદને પ્રોત્સાહન આપવાની આશંકા વ્યક્ત કરવામાં આવી છે.

જાહેરનામામાં એમ પણ કહેવામાં આવ્યું છે કે આઈઆરએફની પ્રવૃત્તિઓ દેશની સાર્વભૌમત્વ, અખંડિતતા અને સુરક્ષા માટે ખતરો બની શકે છે. આ જ આધારો પર કેન્દ્ર સરકારે સંગઠનને તાત્કાલિક અસરથી ગેરકાયદેસર જાહેર કરીને પ્રતિબંધની મુદત વધુ 5 વર્ષ વધારવાનો નિર્ણય લીધો છે.

આ પણ વાંચોઃ સામ પિત્રોડાએ વડાપ્રધાનની પ્રસંશા કરી, જવાબમાં નરેન્દ્ર મોદીએ શું કહ્યું જાણો