ચેન્નાઈ : તમિલનાડુમાં મોંઘવારીથી લોકોને રાહત આપવા માટે ખાદ્ય અને ગ્રાહક સુરક્ષા વિભાગના મંત્રી પેરિયાકરુપ્પને કહ્યું કે ભાવ તપાસવા માટે ટામેટાં 68 રૂપિયા પ્રતિ કિલોના ભાવે વેચવામાં આવશે અને સંગ્રહખોરો સામે કડક કાર્યવાહીની ચેતવણી પણ આપી હતી. ઉલ્લેખનીય છે કે, ટામેટાંના ભાવ રૂ.100 સુધી પહોંચી ગયા છે. ઘણી જગ્યાએ તે 100 રૂપિયાથી વધુમાં મળી રહ્યા છે.
મંત્રીએ એક રિલીઝમાં જણાવ્યું હતું કે,”ભાવને નિયંત્રિત કરવા માટે તમિલનાડુના મુખ્યમંત્રી એમકે સ્ટાલિનની સલાહ પર ટામેટાં ફાર્મ ફ્રેશ આઉટલેટ્સ (FFOs) પર વેચવામાં આવશે જે સહકારી વિભાગ હેઠળ કાર્યરત છે.”
મંત્રી પેરિયાકરુપ્પને કહ્યું કે ગરીબ અને મધ્યમ વર્ગના લોકોને રાહત આપવા માટે ટામેટાના ભાવને નિયંત્રિત કરવા માટે સમગ્ર તમિલનાડુમાં ફાર્મ ફ્રેશ આઉટલેટ્સ (FFOs) પર ટામેટાંનું વેચાણ કરવામાં આવશે. FFOમાં ટામેટા 68 રૂપિયા પ્રતિ કિલોના ભાવે વેચાશે. FFOમાં ટામેટાં 60 રૂપિયા પ્રતિ કિલોના ભાવે વેચવા માટે લઈ જવામાં આવી રહ્યા છે.
“ઉચ્ચ તાપમાનને કારણે, ટામેટાંનું વાવેતર ઘટ્યું છે અને અન્ય રાજ્યોમાંથી ટામેટાંનો પુરવઠો પણ ઓછો થયો છે. તેના કારણે, ટામેટાંના ભાવમાં વધારો થયો છે. ચેન્નાઈ કોયમ્બેડુ માર્કેટમાં સામાન્ય 800 ટનની સામે માત્ર 300 ટન ટામેટાં મળ્યા છે.” મંત્રીએ કહ્યું, “પરિણામે ટામેટાના ભાવમાં પ્રતિ કિલો 90 થી 100નો વધારો થયો છે. ગરીબ અને મધ્યમ વર્ગના લોકોને તેની અસર થઈ રહી છે. ટામેટાના ભાવમાં થયેલો વધારો અસ્થાયી છે અને ટૂંક સમયમાં તેના પર નિયંત્રણ કરવામાં આવશે.”
