ગોરી અને દોષરહિત ત્વચા મેળવવા માટે લોકો ઘણા પ્રકારના કોસ્મેટિક પ્રોડકટ્સનો ઉપયોગ કરે છે. ઘરગથ્થુ ઉપચારોમાં પણ લોકો ચંદનના પાવડરથી લઈને ફળો સુધીના ફેસ પેક બનાવે છે, પરંતુ શાકભાજી પણ તમારી ત્વચાને ચમકદાર બનાવી શકે છે.
બીટરૂટથી લઈને બટેટા અને કાકડી દરેક રસોડામાં જોવા મળે છે. આવી સ્થિતિમાં, તમે સરળતાથી તેમના ફેસ પેક ઘરે બનાવી શકો છો. તો ચાલો જાણીએ કે બીટરૂટથી લઈને બટેટા સુધીના કેટલાક ફેસ પેક કેવી રીતે બનાવાય. આ ફેસ પેક તમારી ત્વચાને લાઈટ અને બ્રાઈટ બનાવશે.
બીટરૂટ ફેસ પેક ચહેરા પર ગુલાબી ચમક લાવશે
બીટરૂટના સ્વાસ્થ્ય લાભોની સાથે ત્વચાને પણ ઘણા ફાયદા છે. બીટરૂટ પેક ડાર્ક સર્કલ અને કરચલીઓ ઘટાડવામાં પણ મદદરૂપ છે.
આ રીતે બનાવો બીટરૂટ પેક
એક મધ્યમ કદના બીટરૂટને ગ્રાઇન્ડરમાં નાખીને સારી રીતે પીસી લો, હવે તેમાં ગુલાબજળ અને દહીં મિક્સ કરીને ચહેરા પર લગાવો. બીટરૂટના આ પેકને 20 મિનિટ સુધી લગાવ્યા બાદ સાદા પાણીથી ચહેરો ધોઈ લો.
બટેટાનો ફેસ પેક ચહેરાને મુલાયમ અને ચમકદાર બનાવશે
બટેટા તમારી ત્વચાને ભેજ આપે છે, બટેટાનો પેક તમારા ચહેરાની ત્વચાને મુલાયમ તેમજ ચમકદાર બનાવવામાં મદદરૂપ છે.
બટાકાનો ફેસ પેક કેવી રીતે બનાવવો
બટેટાને પીસીને તેનો રસ કાઢો. આ પછી બટાકાના રસમાં મધ મિક્સ કરો અને તેને તમારા ચહેરા અને ગરદન પર લગાવો. આ બટાકાના પેકને 15 મિનિટ પછી ધોઈ લો.
ઉનાળા અને ચોમાસામાં ત્વચાની સંભાળમાં કાકડીનો સમાવેશ કરો
ઉનાળામાં ત્વચા સંભાળની દિનચર્યામાં કાકડીનો સમાવેશ કરવો એ એક સારો વિકલ્પ છે. તમારી સુકાઈ ગયેલી ત્વચાને ડાર્ક સર્કલથી દૂર કરવા માટે તમે કાકડીનો ઉપયોગ કરી શકો છો.
સરળ સ્ટેપમાં કાકડીનો ફેસ પેક કેવી રીતે બનાવવો
કાકડીને છોલીને બારીક છીણી લો. એલોવેરાના પાનમાંથી જેલ કાઢીને કાકડીમાં સારી રીતે મિક્સ કરીને ચહેરા પર લગાવો. આ પેકને 15 થી 20 મિનિટ સુધી રહેવા દો અને પછી ઠંડા પાણીથી ચહેરો ધોઈ લો.
