પશ્વિમબંગાળના મંત્રી જ્યોતિપ્રિય મલિકની ઈડી દ્રારા દરોડા પાડ્યાના 15 કલાક બાદ કરાઈ ધરપકડ
દિલ્હીઃ તપાસ એજન્સી એન્ફોર્સમેન્ટ ડિરેક્ટોરેટ એટલે કે ઈડી છેલ્લા ઘણા સમયથી અનેક રાજ્યોમાં અને અનેક મંત્રીઓને પોતાના શકંજામાં લઈ રહી છએ અને તાબડતોડ કાર્યવાહી કરી રહી છએ આજ શ્રેણીમાં હવે કથિત રાશન વિતરણ કૌભાંડ કેસમાં પશ્ચિમ બંગાળના મંત્રી જ્યોતિપ્રિયા મલ્લિકની ધરપકડ કરવામાં આવી છે.
જાણકારી પ્રમાણ એ ઈડી એ 15 કલાકના દરોડા અને સર્ચ બાદ મલ્લિકની ધરપકડ કરી છે. તેમની ધરપકડ પછી, જ્યારે મલ્લિકને કોલકાતામાં ED ઓફિસ લઈ જવામાં આવી રહ્યો હતો, ત્યારે તેણે પત્રકારોને કહ્યું કે તે રાજકીય ષડયંત્રનો શિકાર છે.
EDના અધિકારીઓએ રાશન વિતરણ કૌભાંડમાં જ્યોતિપ્રિયા મલિકની ધરપકડની પુષ્ટિ કરી છે. પ્રાપ્ત માહિતી અનુસાર, EDએ કેન્દ્રીય દળોની ટીમની મદદથી કોલકાતાના સોલ્ટ લેક વિસ્તારમાં સ્થિત રાજ્ય વન મંત્રી મલિકના બે ઘરો પર દરોડા પાડ્યા હતા.
દરમિયાન, મુખ્યમંત્રી મમતા બેનર્જીએ બપોરે એક પ્રેસ કોન્ફરન્સમાં કહ્યું કે મલિકની તબિયત ખરાબ છે. તેણીએ ધમકી આપી હતી કે જો રહેઠાણોની તલાશી દરમિયાન મલિકને કંઈ થશે તો તે ભાજપ અને ઈડી સામે પોલીસ કેસ કરશે. બેનર્જીએ EDના દરોડાને પણ વિપક્ષી નેતાઓ વિરુદ્ધ ભાજપ દ્વારા ‘ગંદી રાજકીય રમત’ ગણાવી હતી.
ઉલ્લેખનીય છે કે પશ્ચિમ બંગાળમાં રાશન વિતરણ કૌભાંડના મામલામાં એન્ફોર્સમેન્ટ ડિરેક્ટોરેટે ગુરુવારે મોટી કાર્યવાહી કરી અને જ્યોતિપ્રિયા મલ્લિકના પરિસરમાં દરોડા પાડ્યા. આ મોટી કાર્યવાહી પીએમએલએ હેઠળ કરવામાં આવી હતી. EDની ટીમે આ જ કેસમાં ગયા અઠવાડિયે બિઝનેસમેન બકીબુર રહેમાનની ધરપકડ કરી હતી. બકીબુર રહેમાન મમતા બેનર્જીના મંત્રી જ્યોતિપ્રિયા મલ્લિકના ખૂબ નજીક છે.