Politicalગુજરાતી

ગાંધીનગર મહાનગરપાલિકાની ચૂંટણીમાં 44માંથી ભાજપના 22 ઉમેદવારો કરોડપતિ

ગાંધીનગરઃ પાટનગર ગાંધીનગર મહાનગરપાલિકાની ચૂંટણી આગામી તા. 18મી એપ્રિલનો રોજ યોજાશે આ ચૂંટણી માટે હાલ ડોર ટુ ડોર પ્રચાર ચાલી રહ્યો છે. ચૂંટણીના ઉમેદવારી ફોર્મ ભરાઈ ગયા છે. જેમાં    ભાજપના 44માંથી 22 ઉમેદવારના પરિવાર પાસે 1 કરોડથી 45 કરોડ સુધીની સંપત્તિ છે. આ સંપત્તિમાં રોકડ, બૅન્ક, શૅર, ડિબેન્ચર, સોના-ચાંદીના દાગીના, જમીન, મકાન, પ્લોટ સહિતની સ્થાવર-જંગમ મિલકતનો સમાવેશ થાય છે. સંપત્તિના આંકડામાં પુરુષ ઉમેદવારોની પત્નીઓ જ્યારે મહિલા ઉમેદવારોના પતિની સંપત્તિ સહિતની કુલ પારિવારિક સંપત્તિનો સમાવેશ થાય છે.

ગામધીનગર મહાનગરપાલિકાની ચૂંટણીમાં ભાજપ કોંગ્રેસ, આમ આદમી પાર્ટી સહિત અપક્ષો પણ ફોર્મ ભર્યા છે. જેમાં ભાજપના 22 મેદવારો કરોડપતિ છે. સૌથી ઓછી રૂ. 2.30 લાખની સંપત્તિ વોર્ડ નં-8ના ઉષાબેન ઠાકોરે દર્શાવી છે. લખપતિમાં 6ની સંપત્તિ 50 લાખથી વધુ છે. 9ની સંપત્તિ 20 લાખથી લઈને 47 લાખ છે જ્યારે બાકીના 6 ઉમેદવારની સંપત્તિ 3 લાખથી લઈને 17 લાખ છે. આ રીતે ભાજપના 22 ઉમેદવારોની સંપત્તિ અંગેની વિગતો મળી છે. ઉમેવાદરોમાં 27 ઉમેદવારો કે તેના પરિવાર પાસે કાર છે, જેમાં વોર્ડ નં-6ના ભાવનાબેન ગોલના પરિવારમાં જગુઆર તો મીરાબેન પટેલના પરિવારમાં ડિસ્કવરી કાર છે. 11 ઉમેદવારોએ ટુ વ્હીલર દર્શાવ્યા છે. જ્યારે 6 એવા ઉમેદવારો છે જેમને કોઈ વાહન જ નથી બતાવ્યા.

ગુનાઈત ઈતિહાસમાં વોર્ડ નં-10ના ભાજપના ઉમેદવાર એવા મહેન્દ્રભાઈ પટેલ (દાસ) સામે વિશ્વાસઘાત, ઠગાઈ, ખોટા દસ્તાવેજ અંગે આરોપ મુકતો ગુનો નોંધાયેલો છે. જે કેસ હાલ ધ્રાંગધ્રા કોર્ટમાં ચાલી રહ્યો છે. આ તરફ વોર્ડ નં-1 ઉમેદવાર નટવરજી મથુરજી ઠાકોરે બે એફિડેવીટ રજૂ કરેલી છે. જેમાં એકમાં તેઓએ પોતે 498ના ગુનામાં દોષિત ઠર્યા હોવાનો ઉલ્લેખ કર્યો છે જ્યારે બીજી એફિડેવીટમાં કોઈ ગુનો ન હોવાનો ઉલ્લેખ કર્યો છે.  અભ્યાસની વાત કરીએ તો ભાજપના ઉમેદવારોમાં એક 6 ધોરણ પાસ, એક 7 ધોરણ પાસ, એક 8 ધોરણ પાસ, પાંચ 9 ધોરણ પાસ, પાંચ 10 ધોરણ પાસ, 14 ઉમેદવાર 12 ધોરણ પાસ તથા 16 ઉમેદવારે કોલેજ તથા તેનાથી વધુ અભ્યાસ કર્યો છે. જેમાં સૌથી વધુ એમડી મેડિસીન સુધીનો અભ્યાસ વોર્ડ નં-9ના ઉમેદવાર ડૉ. સંકેત પંચાસરાએ દર્શાવ્યો છે જ્યારે વોર્ડ નં-4 ઉમેદવાર દક્ષા મકવાણાએ અભ્યાસ દર્શાવ્યો નથી.

Related posts
BEAUTYગુજરાતી

બ્યુટી પાર્લરમાં બનતા મોંઘા ફેશિયલને બનાવો ઘરે બેઠા, સંતરાની છાલનો કરો આ રીતે ઉપયોગ

સંતરા અથવા નારંગીના છે અનેક ફાયદા ચહેરાની સુંદરતા વધારવામાં પણ છે ઉપયોગી ઘરે બેઠા જ બનાવી શકો છે ફેશિયલ પેક બજારમાં આજે…
Regionalગુજરાતી

ભૂમિ સુપોષણ અભિયાન: ગુજરાતમાં યોજાશે ભૂમિપૂજન કાર્યક્રમ, 6000 ગામોમાં ખેડૂતો ભૂમિ સુધારણાનો લેશે સંકલ્પ

રાસાયણીક ખાતર-જંતુનાશક દવાઓથી જમીનની ફળદ્રુપતા નષ્ટ થઇ ચૂકી છે આ સંજોગોમાં ધરતી માતાને ફરીથી ફળદ્રુપ બનાવી નવપલ્લવીત કરવી આવશ્યક છે આ જ…
Nationalગુજરાતી

હવે ઘરેલૂ ફ્લાઇટમાં ભોજન નહીં મળે, જાણો ઉડ્ડયન મંત્રાલયનો નિર્ણય

કોરોનાના સ્ફોટક સંક્રમણ વચ્ચે નાગરિક વિમાન મંત્રાલયે લીધો નિર્ણય વિમાન મંત્રાલયે કોરોનાને કાબૂ કરવાની દિશામાં મોટું પગલું ભર્યું 2 કલાકથી ઓછી સ્થાનિક…

Leave a Reply