અમદાવાદઃ ગુજરાતમાં વાવાઝોડાને પગલે અનેક વૃક્ષો અને વીજળીના થાંભલા ધરાશાયી થયાં હતા. દરમિયાન અમદાવાદ શહેરના જમાલપુર વિસ્તારમાં પાંચ માળની એક ઈમારત ધરાશાયી થઈ હોવાનું ચર્ચાઈ રહ્યું છે. તેમજ તેનો વીડિયો પણ સોશિયલ મીડિયામાં વાયરલ થયો છે. જો કે, આ ઘટનામાં કોઈ જાનહાની થઈ છે કે કેમ તે હજુ સુધી જાણવા મળ્યું નથી.
પ્રાપ્ત માહિતી અનુસાર શહેરના જમાલપુર વિસ્તારમાં કાજીના ધાબા પાસે એક બહુમાળી ઈમારત ધરાશાયી થઈ હોવાનું ચર્ચાઈ રહ્યું છે. 5 માળની ઈમારત ગણતરીની મિનિટમાં જમીનદોસ્ત થઈ ચૂકી હતી. ઈમારત ધરાશાયી થતો લાઈવ વીડિયો સામે આવ્યો છે. જો કે, આ ઘટનામાં કોઈ જાનહાની થઈ હોય તેવું હાલમાં સામે આવ્યું નથી. આ બનાવને પગલે લોકોમાં તરેહ-તરેહની અટકળો વહેતી થઈ હતી.
