લખનૌઃ ઉત્તરપ્રદેશમાં હત્યા કેસમાં જેલવાસ ભોગવી રહેલા કુખ્યાત અતીક અહેમદે મુખ્યમંત્રી યોગી આદિત્યનાથના વખાણ કર્યાં હતા. તેમજ તેમને ઈમાનદાર અને બહાદુર ગણાવ્યાં હતા. અતિક અહેમદનું નિવેદન હાલ સોશિયલ મીડિયામાં વાયરલ થઈ રહ્યું છે, તેમજ આ અંગે પોતાના મંતવ્ય વ્યક્ત કરી રહ્યાં છે.
સુત્રોના જણાવ્યા અનુસાર પ્રયાગરાજના ધારાસભ્ય રાજુ પાલ મર્ડર કેસમાં માફિયા અતીક અહેમદ વિરુદ્ધ આરોપો ઘડવામાં આવ્યા હતા. વિશેષ CBI ન્યાયાધીશ કવિતા મિશ્રાએ સાક્ષીઓને સમન્સ પાઠવ્યા હતા અને કેસની સુનાવણી માટે 3 નવેમ્બર સુધી મુલત્વી રાખી છે. અતીકને ગુજરાતની સાબરમતી જેલમાંથી લાવીને કોર્ટમાં રજૂ કરવામાં આવ્યો હતો. તે જ સમયે, અતીકના ભાઈ અને કેસના આરોપી અશરફ અને ફરહાનને પણ જેલમાંથી લાવીને કોર્ટમાં રજૂ કરવામાં આવ્યા હતા. કોર્ટે અતીકને હત્યાનું કાવતરું ઘડવા સહિત અન્ય આરોપોમાં સજા સંભળાવી હતી. કોર્ટે 30 સપ્ટેમ્બરે જ અશરફ અને અન્ય આરોપીઓ સામે આરોપો ઘડ્યા છે.
અતીક અહેમદે યોગી આદિત્યનાથને ઈમાનદાર અને બહાદુર મુખ્યમંત્રી ગણાવ્યા છે. અતીકે રાજધાનીના સાંસદ/ધારાસભ્ય કોર્ટમાં હાજર થવા જતા આ વાત કહી. કોર્ટમાં જતી વખતે, કેપ્ટિવ વાહનમાં રહેલા અતીકને પૂછવામાં આવ્યું કે આ કેસ વિશે તેમનું શું કહેવું છે. આના પર અતીકે કહ્યું કે યોગી આદિત્યનાથ ઈમાનદાર અને બહાદુર મુખ્યમંત્રી છે. તે ખૂબ જ મહેનત પણ કરી રહ્યો છે. અતીકનું આ નિવેદન સોશિયલ મીડિયા પર ખૂબ જ ઝડપથી વાયરલ થયું હતું.
અત્રે ઉલ્લેખનીય છે કે, યોગી આદિત્યનાથે મુખ્યમંત્રી બનતાની સાથે જ ઉત્તરપ્રદેશમાં ગુનાખોરીને ડામવા માટે કવાયત શરૂ કરી છે અને અનેક કુખ્યાત ગુનેગારોને જેલના સળિયા પાછળ ધકેલી દીધા છે.
