શ્રીનગર: કોરોના વાયરસ સામે રક્ષણ માટે દેશભરમાં 18 વર્ષથી વધુ ઉંમરના લોકો રસી અપાય છે અને આ અભિયાન અંતર્ગત ઉત્તર કાશ્મીરના બારામુલ્લામાં રહેતી 124 વર્ષીય મહિલાએ કોરોના રસીનો પ્રથમ ડોઝ લીધો. બારામુલ્લાના ડેપ્યુટી કમિશનરે ટ્વિટ કરીને આ માહિતી આપી છે.
બારામુલાની રહેવાસી રેહતી બેગમ નામની આ મહિલાની ઉંમર 124 વર્ષ છે. રસીના કાર્યક્રમમાં સામેલ અધિકારીઓએ જણાવ્યું હતું કે, મહિલા પાસે આધારકાર્ડ, મતદાર કાર્ડ અથવા અન્ય કોઈ ઓળખ કાર્ડ નથી. પરંતુ તેની પાસે સ્વતંત્રતા પૂર્વેનું રેશનકાર્ડ છે, જે મુજબ તેની ઉંમર 124 વર્ષ છે.
124 years old woman, Rehtee Begum gets her first dose of #CovidVaccine at kral mohalla Baramulla during door to door campaigning.#LargestVaccineDrive #JandKFightsCorona pic.twitter.com/v6YpN3ykcp
— Information & PR, J&K (@diprjk) June 2, 2021
અધિકારીઓના જણાવ્યા અનુસાર, ઘરે ઘરે રસીકરણનો કાર્યક્રમ ચાલી રહ્યો છે અને આ અંતર્ગત, 18-44 વર્ષની વય જૂથના લોકોને રસી આપવામાં આવી રહી છે, પરંતુ જ્યારે મહિલાના પરિવારે વિનંતી કરી કે તેની મોટી દાદીની ઉંમર 100 વર્ષથી વધુ છે અને તે ક્યાંય જઈ શકતી નથી. આ પછી, રસી કર્મચારીઓએ મહિલાને રસી આપવાનો નિર્ણય કર્યો.
કેન્દ્રીય આરોગ્ય અને કુટુંબ કલ્યાણ મંત્રાલયના ડેટા અનુસાર, 3 જૂને સવારે 7 વાગ્યા સુધી જમ્મુ કાશ્મીરમાં કોરોના રસીના 33 લાખ 66 હજાર 141 ડોઝ આપવામાં આવ્યા છે. તેમાંથી 28 લાખ 12 હજાર 550 લોકોને પ્રથમ ડોઝ મળ્યો છે, જ્યારે 5 લાખ 53 હજાર 591 લોકોએ બંને ડોઝ લીધા છે.
જમ્મુ-કાશ્મીરમાં આરોગ્ય વિભાગ દ્વારા બુધવારે જારી કરાયેલા આંકડા મુજબ 24 કલાકમાં કોરોના વાયરસના 1718 નવા કેસ નોંધાયા છે અને આ સમયગાળા દરમિયાન 24 દર્દીઓનાં મોત નીપજ્યાં છે. આ પછી, કેન્દ્રશાસિત પ્રદેશોમાં ચેપ લાગનારા કુલ કોરોની સંખ્યા વધીને 2 લાખ 94 હજાર 78 થઈ ગઈ છે, જ્યારે મૃત્યુઆંક વધીને 3963 થઈ ગયો છે.
