ભાવનગર, 30 ઑક્ટોબર, 2026 – Surya Kiran Aerobatic ભારતીય વાયુસેનાની પ્રતિષ્ઠિત સૂર્યકિરણ એરોબેટિક ટીમ (SKAT) દ્વારા 1 નવેમ્બર 2026ના રોજ સવારે 10:30 વાગ્યે ભાવનગરના બોરતળાવ ખાતે નવ એરક્રાફ્ટ સાથેનો અદ્ભુત એરોબેટિક શો રજૂ કરવામાં આવશે. આ એર શો ટીમના પ્રખ્યાત ચોક્કસ ફ્લાઇંગ કૌશલ્યને ગુજરાતના આ ઐતિહાસિક શહેરમાં લાવશે, જે ભાવનગરના નાગરિકોને ભારતીય વાયુસેનાની અસાધારણ કાર્યકુશળતા, શિસ્ત અને વ્યાવસાયિકતાના પ્રત્યક્ષ સાક્ષી બનવાની તક પૂરી પાડશે.
ભારતીય હવાઈ દળનો એરોબેટિક શો
સ્થળઃ ભાવનગર
દિવસઃ 1 નવેમ્બર 2026, રવિવાર
સમયઃ સવારે 10:3 0 વાગ્યે
હિન્દુસ્તાન એરોનોટિક્સ લિમિટેડ (HAL) દ્વારા લાયસન્સ હેઠળ ઉત્પાદિત નવ હોક Mk 132 (Hawk Mk 132) એરક્રાફ્ટ ઉડાડીને આ ટીમ જટિલ એરોબેટિક કૌશલ્યોનું પ્રદર્શન કરશે, જે દર્શકોને મંત્રમુગ્ધ કરી દેશે. લૂપ્સ, બેરલ રોલ્સ, ઇનવર્ટેડ ફ્લાઇંગ (ઊંધા ઉડવું) અને આઇકોનિક ‘ડીએનએ’ (DNA) કૌશલ્ય જેવી તેમની સિગ્નેચર એર સ્કીલ અદ્ભુત સંકલન, નિયંત્રણ અને સિંક્રોનાઇઝેશન દર્શાવશે. એક જ ફોર્મેશનમાં નવ એરક્રાફ્ટ એકસાથે ઉડશે અને સાથે જ કેસરી, સફેદ અને લીલા રંગના આકર્ષક ધુમાડાની છાપ છોડશે, જે ભાવનગરના આકાશમાં એક અવિસ્મરણીય નજારો સર્જશે.
જુઓ વીડિયો…
18મી સદીમાં મહારાજા ભાવસિંહેજી ગોહિલ દ્વારા સ્થપાયેલું ભાવનગર સમુદ્રી વેપાર, રાજવી વારસો અને સાંસ્કૃતિક વિકાસ દ્વારા ઘડાયેલો સમૃદ્ધ ઇતિહાસ ધરાવે છે. અરબી સમુદ્ર અને તેનાથી પણ આગળ ફેલાયેલા વેપારી સંબંધો ધરાવતું આ શહેર ક્યારેક એક મહત્વપૂર્ણ બંદર હતું અને આજે પણ સૌરાષ્ટ્ર પ્રદેશના ઐતિહાસિક મહત્વ તથા ટકાઉ પરંપરાઓને પ્રતિબિંબિત કરે છે. બોરતળાવ ખાતેનો આ એર શો વાયુસેનાની ભવ્યતાને રાષ્ટ્રના ગૌરવ અને ભાવના સાથે જોડીને આ ઐતિહાસિક વારસામાં એક નવું આકર્ષણ ઉમેરશે.
1996માં સ્થાપિત થયેલી સૂર્યકિરણ એરોબેટિક ટીમ ભારતમાં અને વિદેશમાં એર શો તથા જાહેર કાર્યક્રમોમાં ભારતીય વાયુસેના અને દેશનું પ્રતિનિધિત્વ કરવાનો વિશિષ્ટ વારસો ધરાવે છે. 850 થી વધુ એર શો કરવા બદલ આ ટીમે “ભારતીય વાયુસેનાના રાજદૂત” (Ambassadors of the Indian Air Force) તરીકેની ઓળખ મેળવી છે. દરેક પ્રદર્શન એ વ્યાપક તાલીમ, ઝીણવટભર્યા આયોજન અને પાઇલટ્સ તથા તેમની સહાયક ટીમ વચ્ચેના સંપૂર્ણ વિશ્વાસનું પરિણામ હોય છે, જે શ્રેષ્ઠ ફ્લાઇંગ અને ટીમવર્કના ઉચ્ચ ધોરણો દર્શાવે છે.
સૂર્યકિરણ એરોબેટિક ટીમનું નેતૃત્વ ગ્રુપ કેપ્ટન અજય દશરથી કરી રહ્યા છે. વિંગ કમાન્ડર તેજેશ્વર સિંહ ફ્લાઇટ કમાન્ડર તરીકે સેવા આપે છે, જ્યારે વરિષ્ઠ એન્જિનિયરિંગ ઓફિસર વિંગ કમાન્ડર અભિમન્યુ ત્યાગી વિમાનોની જાળવણી પર દેખરેખ રાખે છે અને સ્ક્વોડ્રનની ટેકનિકલ ટીમનું નેતૃત્વ કરે છે. આ ટીમમાં 18 અધિકારીઓ સામેલ છે, જેમાં 13 પાઇલટ, 3 એન્જિનિયરિંગ ઓફિસર, 1 કોમેન્ટેટર અને 1 મેડિકલ ઓફિસરનો સમાવેશ થાય છે. તેમને આશરે 180 ટેકનિકલ કર્મચારીઓનો સહયોગ મળે છે જેઓ એરક્રાફ્ટની સેવાની સ્થિતિ અને ટેકનિકલ સજ્જતાના ઉચ્ચ ધોરણો જાળવવા માટે અવિરત કામ કરે છે, જેથી ટીમ સમગ્ર દેશમાં અદ્ભુત એર શો રજૂ કરી શકે.
પોતાના અદ્ભુત ફોર્મેશન અને સિગ્નેચર સ્ટંટ દ્વારા સૂર્યકિરણ એરોબેટિક ટીમ ભારતીય વાયુસેનાને દેશના નાગરિકોની વધુ નજીક લાવવાનું કામ કરી રહી છે. તેના આ શો વાયુસેનાની સમર્પણ ભાવના અને વ્યાવસાયિકતાની ઉજવણી કરે છે, સાથે જ ભારતીય યુવાનોને શ્રેષ્ઠતા પ્રાપ્ત કરવા અને ભારતીય વાયુસેનામાં કારકિર્દી બનાવવાની પ્રેરણા આપે છે.
સૂર્યકિરણ એરોબેટિક ટીમ ભારતીય વાયુસેનાની ક્ષમતાઓ અને ભાવના દર્શાવીને ભાવનગરના લોકોને આ અવિસ્મરણીય એર શોથી મંત્રમુગ્ધ કરવા આતુર છે.
સદૈવ સર્વોત્તમ।
સૂર્યકિરણ એરોબેટિક ટીમના એર શો અંગેના તાજેતરના અપડેટ્સ માટે કૃપા કરીને અધિકૃત સોશિયલ મીડિયા હેન્ડલ્સ ફોલો કરો:
Instagram: @suryakiran_iaf
Facebook: Suryakiran Aerobatic Team
X: @Suryakiran_IAF
YouTube: Suryakiran Aerobatic Team
 દ્વારા 1 નવેમ્બર 2026 ના રોજ સવારે 10:30 વાગ્યે ભાવનગરના બોરતળાવ ખાતે નવ એરક્રાફ્ટ){kind=link}