- કોરોના સામેની લડાઈમાં બીજી મોટી સફળતા
- નાક દ્વારા અપાશે કોરોનાની રસી
- સ્વાસ્થ્ય મંત્રાલયે ઈમરજન્સી ઉપયોગને આપી મંજૂરી
દિલ્હી:કોરોના મહામારી સામે ભારતને વધુ એક સફળતા મળી છે.ડ્રગ્સ કંટ્રોલર જનરલ ઓફ ઇન્ડિયા (DCGI) એ મંગળવારે 18 વર્ષથી વધુ ઉંમરના લોકોમાં પ્રતિબંધિત કટોકટીના ઉપયોગ માટે ભારત બાયોટેકની ઇન્ટ્રાનેસલ કોવિડ વેક્સિનને મંજૂરી આપી દીધી છે.આરોગ્ય મંત્રી ડો.મનસુખ માંડવિયાએ આ માહિતી આપી હતી.કોવિડ-19 વાયરસ માટે આ ભારતની પ્રથમ નાકની રસી હશે.
Big Boost to India's Fight Against COVID-19!
Bharat Biotech's ChAd36-SARS-CoV-S COVID-19 (Chimpanzee Adenovirus Vectored) recombinant nasal vaccine approved by @CDSCO_INDIA_INF for primary immunization against COVID-19 in 18+ age group for restricted use in emergency situation.
— Dr Mansukh Mandaviya (@mansukhmandviya) September 6, 2022
સ્વાસ્થ્ય મંત્રી મનસુખ માંડવિયાએ આ અંગે એક ટ્વિટમાં લખ્યું કે, ‘કોવિડ-19 સામે ભારતની લડાઈને મોટું પ્રોત્સાહન! ભારત બાયોટેકની ઇન્ટ્રાનેસલ કોવિડ રસી, જે નાક દ્વારા આપવામાં આવે છે, તેને DCGI ની મંજૂરી મળી છે. તેમણે કહ્યું કે આ દવા ભારતમાં 18 વર્ષથી વધુ ઉંમરના લોકોને કટોકટીની સ્થિતિમાં આપી શકાય છે. તેમણે કહ્યું કે આ પગલું મહામારી સામે “આપણી સામૂહિક લડાઈ” ને વધુ મજબૂત કરશે.
તેમણે કહ્યું કે,ભારતે વડાપ્રધાન નરેન્દ્ર મોદીના નેતૃત્વમાં કોવિડ-19 સામેની લડાઈમાં તેના વિજ્ઞાન, સંશોધન અને વિકાસ (R&D) અને માનવ સંસાધનોનો ઉપયોગ કર્યો છે. માંડવિયાએ કહ્યું કે, વિજ્ઞાન આધારિત અભિગમ અને દરેકના પ્રયત્નોથી આપણે COVID-19 ને હરાવીશું. કંપનીના સૂત્રોએ જણાવ્યું હતું કે હૈદરાબાદ સ્થિત ફર્મે લગભગ 4,000 સ્વયંસેવકો સાથે નાકની રસીની ક્લિનિકલ ટ્રાયલ પૂર્ણ કરી છે અને હજુ સુધી કોઈ આડઅસર અથવા પ્રતિકૂળ પ્રતિક્રિયાઓ નોંધવામાં આવી નથી.
