Regionalગુજરાતી

નગરપાલિકા, જિલ્લા પંચાયત અને તાલુકા પંચાયતમાં પણ ભાજપ છવાયું, કોંગ્રેસ હાંસિયામાં ધકેલાયું

અમદાવાદઃ ગુજરાતમાં નગરપાલિકા, જિલ્લા પંચાયત અને તાલુકા પંચાયતની 8472 જેટલી બેઠકો માટે રવિવારે મતદાન યોજાયું હતું. જેની મતગણતરી હજુ સુધી ચાલી રહી છે. જો કે, અત્યાર સુધીના આવેલા પરિણામો ઉપરથી નગરપાલિકા, જિલ્લા અને તાલુકા પંચાયતની ચૂંટણીમાં ભાજપ જીત તરફ આગળ વધી રહી છે. બીજી તરફ કોંગ્રેસનું કોર્પોરેશનની ચૂંટણી બાદ ફરી એકવાર ધોવાણ થયું છે. નગરપાલિકા, જિલ્લા અને તાલુકા પંચાયતની ચૂંટણીમાં ભાજપની જીત થતા નેતાઓ અને કાર્યકરોમાં ઉત્સાહ ફેલાયો છે અને ઠેર-ઠેર ઉજવણી કરવામાં આવી રહી છે.

પ્રાપ્ત માહિતી અનુસાર નગરપાલિકા, જિલ્લા અને તાલુકા પંચાયતમાં કોર્પોરેશનની સરખામણીમાં ઉંચુ મતદાન થયું હતું. આજે સવારે વિવિધ સ્થળો ઉપર પોલીસ બંદોબસ્તની વચ્ચે મતગણતરી હાથ ધરવામાં આવી હતી. તેમજ સવારથી જ ટ્રેન્ડમાં ભાજપ કોંગ્રેસ કરતા આગળ હતું. હાલની સ્થિતિએ 31 જિલ્લા પંચાયત, 196 તાલુકા પંચાયત, અને 75 નગરપાલિકામાં ભાજપનો ભગવો લહેરાયો છે. બીજી તરફ 33 તાલુકા પંચાયત અને ચાર નગરપાલિકામાં જ કોંગ્રેસને સફળતા મળી છે. જ્યારે બે નગરપાલિકામાં અપક્ષની જીત થઈ છે. જો કે, હજુ મતગણતરી ચાલુ છે તેથી પરિણામમાં ફેરફાર થઈ શકે છે. સ્થાનિક સ્વરાજ્યની ચૂંટણીમાં કોંગ્રેસના અનેક સિનિયર નેતાઓ અને તેમના સંબંધીઓને હારનો સામનો કરવો પડ્યો હોવાનું જાણવા મળે છે.

સ્થાનિક સ્વરાજ્યની ચૂંટણીના પ્રાથમિક પરિણામ કરીએ એક નજર

જિ. પંચાયત       31(ભાજપ)        00(કોંગ્રેસ)       00(અન્ય)       (31/31)

તા. પંચાયત       196(ભાજપ)      33(કોંગ્રેસ)       00(અન્ય)        (231/229)

ન.પાલિકા          75(ભાજપ)       04(કોંગ્રેસ)       02(અન્ય)         (81/81)

સ્થાનિક સ્વરાજ્યની કુલ 4774 પૈકી અત્યાર સુધીમાં 4610ની ગણતરી કરાઈ છે

જિ.પંચાયત        770(ભાજપ)      170(કોંગ્રેસ)      11(અન્ય)

તા. પંચાયત       3230(ભાજપ)    1210(કોંગ્રેસ)     170(અન્ય)

ન.પાલિકા          2060(ભાજપ)    365(કોંગ્રેસ)      210(અન્ય)

વર્ષ 2015માં યોજયેલી સ્થાનિક સ્વરાજ્યની ચૂંટણીના પરિણામ આ પ્રમાણે છે

જિલ્લા પંચાયતનું પરિણામ

ભાજપ         કોંગ્રેસ          અન્ય

368                 595                 9

તાલુકા પંચાયતનું પરિણામ

ભાજપ         કોંગ્રેસ          અન્ય

2019               2555               141

નગરપાલિકાનું પરિણામ

ભાજપ         કોંગ્રેસ          અન્ય

1197               673                 209

Related posts
BEAUTYગુજરાતી

બ્યુટી પાર્લરમાં બનતા મોંઘા ફેશિયલને બનાવો ઘરે બેઠા, સંતરાની છાલનો કરો આ રીતે ઉપયોગ

સંતરા અથવા નારંગીના છે અનેક ફાયદા ચહેરાની સુંદરતા વધારવામાં પણ છે ઉપયોગી ઘરે બેઠા જ બનાવી શકો છે ફેશિયલ પેક બજારમાં આજે…
Regionalગુજરાતી

ભૂમિ સુપોષણ અભિયાન: ગુજરાતમાં યોજાશે ભૂમિપૂજન કાર્યક્રમ, 6000 ગામોમાં ખેડૂતો ભૂમિ સુધારણાનો લેશે સંકલ્પ

રાસાયણીક ખાતર-જંતુનાશક દવાઓથી જમીનની ફળદ્રુપતા નષ્ટ થઇ ચૂકી છે આ સંજોગોમાં ધરતી માતાને ફરીથી ફળદ્રુપ બનાવી નવપલ્લવીત કરવી આવશ્યક છે આ જ…
Nationalગુજરાતી

હવે ઘરેલૂ ફ્લાઇટમાં ભોજન નહીં મળે, જાણો ઉડ્ડયન મંત્રાલયનો નિર્ણય

કોરોનાના સ્ફોટક સંક્રમણ વચ્ચે નાગરિક વિમાન મંત્રાલયે લીધો નિર્ણય વિમાન મંત્રાલયે કોરોનાને કાબૂ કરવાની દિશામાં મોટું પગલું ભર્યું 2 કલાકથી ઓછી સ્થાનિક…

Leave a Reply