Homeગુજરાતીનીતિન પટેલના ગઢ કડી નગરપાલિકામાં ભાજપનો ભગવો લહેરાયો

નીતિન પટેલના ગઢ કડી નગરપાલિકામાં ભાજપનો ભગવો લહેરાયો

અમદાવાદઃ ગુજરાતના નાયબ મુખ્ય પ્રધાન નીતિન પટેલનો ગઢ મનાતા કડી નગરપાલિકાની ચૂંટણીમાં ભાજપનો ફરીથી વિજય થયો છે. રાજ્યમાં નગરપાલિકાઓની ચૂંટણીમાં ભાજપે પહેલી નગરપાલિકા કબજે કરી હતી. કડી પાલિકામાં 9 વોર્ડની 36 બેઠકો પૈકી 35 બેઠકો ઉપર ભાજપની જીત થઈ હોવાનું જાણવા મળે છે.

પ્રાપ્ત માહિતી અનુસાર કડી નગરપાલિકાના કુલ 9 વોર્ડની 36 બેઠકો પૈકી 26 બેઠકો ઉપર ચૂંટણી પહેલા જ ભાજપનો વિજય થયો હતો. જેથી કડી પાલિકામાં ફરીથી સત્તા હાંસલ કરી હતી. જ્યારે બાકી બેઠકો ઉપર મતદાન યોજાયું હતું. જેની મતગણતરી હાથ ધરવામાં આવી હતી. આ મત ગણતરીમાં ભાજપની કુલ 35 બેઠકો ઉપર વિજય થયો હોવાનું જાણવા મળે છે. જ્યારે વોર્ડ નંબર-5માં એક બેઠક ઉપર કોંગ્રેસનો વિજય થયો હતો.

વર્ષ 2015માં યોજાયેલી ચૂંટણીમાં કડી નગરપાલિકામાં ભાજપનો 28 બેઠકો ઉપર વિજય થયો હતો. જેની સરખામણીમાં આ ચૂંટણીમાં સાત બેઠકનો વધારો થયો છે. કડી પાલિકામાં ભાજપનો વિજય થયા ભાજપના નેતાઓએ ફડાકડા ફોડીને ઉજવણી કરી હતી.

 

spot_img
spot_img
સંબંધિત લેખો
spot_img
spot_img

Most Popular

spot_img