બદલાતી ઋતુ અને પ્રદૂષણને કારણે ત્વચામાં શુષ્કતા (ડ્રાયનેસ) અને નિસ્તેજતા (ડલનેસ) આવવી એક સામાન્ય સમસ્યા છે. ત્વચાની કુદરતી નમી છીનવાઈ જવાથી ચહેરા પર દાગ-ધબ્બા અને કરચલીઓ પણ ઝડપથી દેખાવા લાગે છે. મોંઘા કેમિકલયુક્ત બ્યુટી પ્રોડક્ટ્સનો ઉપયોગ કરવાને બદલે રસોડામાં જ ઉપલબ્ધ કુદરતી વસ્તુઓ વડે ત્વચાની યોગ્ય સંભાળ રાખી શકાય છે. નિષ્ણાતોના જણાવ્યા મુજબ, રાત્રે સૂતા પહેલા કે દિવસ દરમિયાન નિયમિત રીતે 5 દેશી ઉપાયો અપનાવવાથી ત્વચા માત્ર સોફ્ટ જ નહીં પરંતુ બેદાગ અને ગ્લોઈંગ પણ બને છે.
- બદામના તેલનું નાઈટ મસાજ
રાત્રે સૂતા પહેલા ચહેરા પર બદામના તેલથી હળવા હાથે મસાજ કરવી અત્યંત ગુણકારી છે. બદામના તેલમાં ભરપૂર માત્રામાં વિટામિન ઈ હોય છે, જે ત્વચાને ઊંડાણપૂર્વક પોષણ આપે છે. આ તેલ ત્વચામાં ભેજ જાળવી રાખવાની સાથે આંખો નીચેના કાળા કુંડાળા ઓછા કરવામાં અને ચહેરાના જૂના દાગ-ધબ્બા હળવા કરવામાં મદદ કરે છે.
- એલોવેરા અને વિટામિન ઈ કેપ્સ્યુલનું મિશ્રણ
જો તમારી ત્વચા સતત ડ્રાય રહેતી હોય, તો એલોવેરા જેલમાં વિટામિન E ની કેપ્સ્યુલ ભેળવીને એક મિશ્રણ તૈયાર કરી લો. આ મિશ્રણ દરરોજ રાત્રે સૂતા પહેલા ચહેરા પર લગાવો. એલોવેરા ત્વચાને હાઇડ્રેટ કરીને રૂખાપન દૂર કરે છે, જ્યારે વિટામિન ઈ ડાર્ક સ્પોટ્સ અને ફાઈન લાઈન્સ (ઝીણી કરચલીઓ) ઘટાડે છે. આનાથી ત્વચાનું ઈરિટેશન (બળતરા) પણ શાંત થાય છે.
-
દૂધની મલાઈ અને હળદરનો ફેસ પેક
ડ્રાય સ્કિનથી ત્વરિત છુટકારો મેળવવા માટે દૂધની તાજી મલાઈ એક શ્રેષ્ઠ નેચરલ મોઈશ્ચરાઈઝર છે. તાજી મલાઈમાં એક ચપટી હળદર ઉમેરીને ચહેરા પર લગાવો અને થોડી વાર મસાજ કર્યા બાદ ફેસ ક્લીન કરી લો. પ્રથમ ઉપયોગથી જ ચહેરા પર કુદરતી કોમળતા અને મુલાયમતાનો અનુભવ થાય છે.
- ગ્લિસરીન, નાળિયેર તેલ અને ગુલાબજળનો હોમમેઇડ ટોનર
ત્વચાની શુષ્કતા દૂર કરવા માટે ગ્લિસરીન, નાળિયેર તેલ અને ગુલાબજળનું સરખા ભાગે મિશ્રણ બનાવીને તેમાં લીંબુના રસના થોડા ટીપાં ઉમેરી લો. આ મિશ્રણને દરરોજ ત્વચા પર એપ્લાય કરવાથી માત્ર થોડા જ દિવસોમાં ત્વચા સોફ્ટ અને ગ્લોઈંગ બનવા લાગે છે.
- જેઠીમધ પાવડર અને દહીંનું ફેસ માસ્ક
ચહેરાના દાગ-ધબ્બા દૂર કરવા અને ત્વચામાં ટાઈટનેસ (કસાવ) લાવવા માટે અઠવાડિયામાં બે થી ત્રણ વાર મુલેઠી પાવડર અને દહીંનું મિશ્રણ ચહેરા પર લગાવો. આ ફેસ પેક ત્વચાના મૃત કોષોને દૂર કરી ચહેરાને બેદાગ બનાવે છે અને ગ્લો લાવવામાં મદદ કરે છે.
