- પાર્ક કરેલી બસમાં બ્લાસ્ટ
- અકસ્માતમાં બે લોકો ઘાયલ
- 8 કલાકમાં આ બીજો બ્લાસ્ટ
શ્રીનગર:જમ્મુ-કાશ્મીરના ઉધમપુરમાં બસમાં વિસ્ફોટ થયો હતો.જૂના બસ સ્ટેન્ડ પાસે પાર્ક કરેલી બસમાં સવારે 6 વાગ્યે રહસ્યમય વિસ્ફોટ થયો હતો.ઉધમપુરમાં 8 કલાકમાં આ બીજો બ્લાસ્ટ છે. આ પહેલા રાત્રે 10.45 કલાકે ડોમેલ ચોક પાસે બસમાં વિસ્ફોટ થયો હતો.આ અકસ્માતમાં બે લોકો ઘાયલ થયા હતા.
એડીજીપી જમ્મુ મુકેશ સિંહે જણાવ્યું કે,ઉધમપુરના જૂના બસ સ્ટેન્ડ પાસે સવારે 6 વાગે વિસ્ફોટ થયો હતો.આ અકસ્માતમાં બસને ભારે નુકસાન થયું હતું.જોકે, કોઈને ઈજા થઈ નથી.આ વિસ્ફોટ શાના કારણે થયો તે હજુ સુધી જાણી શકાયું નથી.જમ્મુ-કાશ્મીર પોલીસે તપાસ શરૂ કરી છે.
આ પહેલા બુધવારે રાત્રે 10:30 વાગ્યે ડોમેલ ચોક ખાતે પેટ્રોલ પંપ પાસે ઉભેલી બસમાં વિસ્ફોટ થયો હતો. બસમાં ગુરુવારે સવારે જેવો જ વિસ્ફોટ થયો હતો. બંને અકસ્માત સ્થળ વચ્ચે ચાર કિમીનું અંતર છે. ડોમેલ ચોકમાં અકસ્માતમાં બે વ્યક્તિઓને ઈજાઓ પહોંચી હતી. પોલીસ આ અકસ્માતની તપાસ કરી રહી છે.
