જ્યોતિરાદિત્ય સિંધિયાએ મિઝોરમમાં 189 કરોડ રૂપિયાના મિઝોરમ આદુ મિશનનો શુભારંભ કરાવ્યો

મિઝોરમ, 14 મે 2026: Mizoram Ginger Mission પૂર્વોત્તર ક્ષેત્રના વિકાસ મંત્રી જ્યોતિરાદિત્ય સિંધિયાએ વીડિયો કોન્ફરન્સિંગ દ્વારા મિઝોરમમાં 189 કરોડના મિઝોરમ આદુ મિશનનો શુભારંભ કરાવ્યો. આ કાર્યક્રમમાં મિઝોરમના મુખ્યમંત્રી લાલદુહોમા પણ હાજર રહ્યા હતા.

પૂર્વોત્તર ક્ષેત્ર વિકાસ મંત્રાલયે જણાવ્યું હતું કે આ મિશન કૃષિ, ગ્રામીણ વિકાસ અને ખાદ્ય પ્રક્રિયા ઉદ્યોગ મંત્રાલયોની યોજનાઓ સાથે જોડાણમાં શરૂ કરવામાં આવ્યું છે, અને તેમાં આદુ પ્રક્રિયામાં ખાનગી ક્ષેત્રની ભાગીદારી પણ સામેલ છે.

આ પહેલનો ઉદ્દેશ્ય મિઝોરમમાં ઔષધીય ગુણવત્તાવાળા આદુ ઉગાડતા હજારો ખેડૂત પરિવારોની આવક વધારવાનો અને તેમને વધુ સારા બજારો પૂરા પાડવાનો છે.

જ્યોતિરાદિત્ય સિંધિયાએ જણાવ્યું હતું કે મિશન હેઠળ, એક સંકલિત પ્રક્રિયા કેન્દ્ર અને ત્રણ સહાયક કેન્દ્રો સ્થાપિત કરવામાં આવશે. લગભગ 20,000 ખેડૂત પરિવારોને ગુણવત્તા અને મૂલ્ય-આધારિત સપ્લાય ચેઇન સાથે જોડવામાં આવશે.

વધુ વાંચો: નૌકાદળના વડા એડમિરલ દિનેશ કુમાર ત્રિપાઠીએ વિશાખાપટ્ટનમમાં પૂર્વીય નૌકાદળ કમાન્ડની મુલાકાત લીધી