દિવાળીનો તહેવાર નજીક આવતા જ ઘરોમાં અવનવી વાનગીઓ અને મીઠાઈઓની સુગંધ ફેલાવા લાગે છે. આ અવસરે મહેમાનોની આવનજાવન પણ પૂરજોશમાં રહેતી હોય છે. એવામાં જો ચા સાથે કંઈક કુરકુરુ અને ચટપટું ખાવા મળી જાય, તો તહેવારની મજા બમણી થઈ જાય છે. બજારમાં તો અનેક પ્રકારના ફરસાણ ઉપલબ્ધ હોય છે, પરંતુ જો તમે શુદ્ધતા અને સ્વાસ્થ્યનું ધ્યાન રાખીને ઘરે જ કંઈક ટેસ્ટી બનાવવા માંગતા હોવ, તો આ સરળ રેસિપીથી એકદમ કુરકુરે મિક્સ ફરસાણ તૈયાર કરી શકો છો.
ઘરે બનાવેલા ફરસાણનો સ્વાદ તો શાનદાર હોય જ છે, સાથે જ તમે તેમાં તમારી પસંદગીના મસાલા પણ ઉમેરી શકો છો. તેને બનાવીને એક એરટાઈટ ડબ્બામાં ભરી લો, જેથી મહેમાનો આવે ત્યારે તરત જ સર્વ કરી શકાય. ચાલો જાણીએ ઘરે જ ફરસાણ બનાવવાની આસાન રીત.
-
ફરસાણ માટે જરૂરી સામગ્રી:
2 કપ ચણાનો લોટ
અડધો કપ પૌવા
અડધો કપ સીંગદાણા
અડધી નાની ચમચી હળદર પાવડર
અડધી નાની ચમચી લાલ મરચું પાવડર
અડધી નાની ચમચી અજમો
સ્વાદ અનુસાર મીઠું
એક ચપટી હિંગ
જરૂર મુજબ પાણી
તળવા માટે તેલ
અડધી નાની ચમચી ચાટ મસાલા
-
બનાવવાની સરળ રીત
સૌથી પહેલા એક મોટા વાસણમાં બેસનને ચાળી લો. તેમાં હળદર, લાલ મરચું પાવડર, અજમો, હિંગ અને મીઠું ઉમેરીને સારી રીતે મિક્સ કરી લો. હવે થોડું-થોડું પાણી ઉમેરતા જઈને નરમ લોટ બાંધી લો. ધ્યાન રાખો કે લોટ બહુ પાતળો ન હોવો જોઈએ, નહીં તો નમકીનનો આકાર પાડવામાં મુશ્કેલી પડી શકે છે. ત્યારબાદ એક કઢાઈમાં તેલ ગરમ કરો. હવે સેવ કે નમકીન પાડવાના સાંચામાં બારીક કાણાવાળી જાળી લગાવીને તેમાં તૈયાર કરેલો બેસનનો લોટ ભરી દો. ગરમ તેલની ઉપર સાંચાને દબાવતા જઈને બેસનની પાતળી ધારાઓ પાડો. તેને મધ્યમ આંચ પર સોનેરી અને કુરકુરી થાય ત્યાં સુધી તળો. પછી ઝારાની મદદથી નમકીનને બહાર કાઢીને એક પ્લેટમાં રાખી લો. નમકીનને વધુ ચટપટી બનાવવા માટે પૌઆ અને સીંગદાણાનો ઉપયોગ કરો. તેના માટે એક અલગ કઢાઈમાં થોડું તેલ ગરમ કરો. તેમાં પૌહા ઉમેરીને કુરકુરા થાય ત્યાં સુધી તળી લો. ત્યારબાદ સીંગદાણાને પણ સારી રીતે તળી લો. હવે એક મોટા વાસણમાં બેસનની સેવ, પૌઆ અને સીંગદાણા મિક્સ કરી લો. ઉપરથી ચાટ મસાલો અને જરૂર મુજબ થોડું મીઠું છાંટો. બધી સામગ્રીને સારી રીતે ભેળવી દો, જેથી મસાલા નમકીન પર બરાબર ચોંટી જાય. જો તમને પસંદ હોય તો તમે તેમાં સ્વાદ અનુસાર લીમડાના પાન પણ તળીને ઉમેરી શકો છો, જેનાથી નમકીનનો સ્વાદ અને સુગંધ બંને વધી જશે.
