નવી દિલ્હી, 31 ઑક્ટોબર, 2026 – Air Chief Marshal Ashutosh Dixit એર ચીફ માર્શલ આશુતોષ દીક્ષિતે (PVSM, AVSM, VM, VSM) આજે 31 ઓક્ટોબર 2026ના રોજ ભારતીય વાયુસેનાના 29મા વડા (ચીફ ઓફ ધ એર સ્ટાફ) તરીકે હોદ્દો ગ્રહણ કર્યો છે. તેઓ એર ચીફ માર્શલ એ. પી. સિંહ (PVSM, AVSM) નું સ્થાન લે છે, જેઓ રાષ્ટ્રની 42 વર્ષની અપ્રતિમ અને વિશિષ્ટ સેવા બાદ નિવૃત્ત થયા છે.
નેશનલ ડિફેન્સ એકેડેમી (NDA) ના ભૂતપૂર્વ વિદ્યાર્થી એવા એર ચીફ માર્શલ આશુતોષ દીક્ષિત 06 ડિસેમ્બર 1986 ના રોજ ભારતીય વાયુસેનાની ફાઇટર સ્ટ્રીમમાં સામેલ થયા હતા.
Air Chief Marshal Ashutosh Dixit took over command of the #IndianAirForce as its 29th Chief from Air Chief Marshal AP Singh on 31 Oct 26.
Air Chief Marshal Dixit was commissioned into the fighter stream of the #IAF on 06 Dec 1986 and served as the #VCAS prior to taking over as #CAS.
#IndianAirForce
@DefenceMinIndia
@SpokespersonMoD
@HQ_IDS_India
@adgpi
@indiannavy
@CareerinIAF
@air_veterans— Indian Air Force (@IAF_MCC) October 31, 2026
ચાર દાયકા લાંબી કારકિર્દી દરમિયાન, એર ચીફ ઓપરેશન્સ, ફ્લાઇટ ટેસ્ટિંગ, ક્ષમતા વિકાસ (કેપેબિલિટી ડેવલપમેન્ટ) અને જોઇન્ટ સ્ટાફ અસાઇનમેન્ટ્સ જેવા વિવિધ ક્ષેત્રોમાં બહોળો અનુભવ ધરાવે છે. એક કુશળ ફાઇટર પાઇલટ, ક્વોલિફાઇડ ફ્લાઇંગ ઇન્સ્ટ્રક્ટર અને એક્સપેરિમેન્ટલ ટેસ્ટ પાઇલટ તરીકે, તેઓ મિરાજ-2000, મિગના વિવિધ વેરિઅન્ટ્સ, જેગુઆર અને અનેક ટ્રાન્સપોર્ટ વિમાનો સહિતના વિશાળ શ્રેણીના એરક્રાફ્ટ પર 3,500 કલાકથી વધુ ઉડાનનો અનુભવ ધરાવે છે.
ભારતીય વાયુસેનાના આધુનિકીકરણમાં તેમના યોગદાન માટે વ્યાપકપણે ઓળખાતા એર ચીફે જેગુઆર અને મિગ-27 અપગ્રેડ પ્રોજેક્ટ્સને આખરી ઓપ આપવામાં તેમજ એલસીએ (LCA) માર્ક-1 તેજસની ઇનિશિયલ ઓપરેશનલ ક્લિયરન્સ (IOC) અને ફાઇનલ ઓપરેશનલ ક્લિયરન્સ (FOC) ની કામગીરી પૂરી કરવામાં મહત્વની ભૂમિકા ભજવી હતી. તેમની ઓપરેશનલ કમાન્ડ અસાઇનમેન્ટ્સમાં મિરાજ-2000 સ્ક્વોડ્રનનું નેતૃત્વ, પશ્ચિમી સેક્ટરમાં ફોરવર્ડ બેઝ સપોર્ટ યુનિટ અને વાયુસેનાના અગ્રણી ફાઇટર ટ્રેનિંગ બેઝ એવા એર ફોર્સ સ્ટેશન બીદરનું કમાન્ડિંગ સામેલ છે.
તેમણે સધર્ન એર કમાન્ડ ખાતે એર ડિફેન્સ કમાન્ડર, સાઉથ વેસ્ટર્ન એર કમાન્ડ ખાતે સિનિયર એર સ્ટાફ ઓફિસર અને વાયુસેનાના ડેપ્યુટી ચીફ (DCAS) તરીકે સેવા આપીને મુખ્ય ક્ષમતા વિકાસ અને સંરક્ષણ ખરીદીની પહેલોનું નેતૃત્વ કર્યું હતું. ત્યારબાદ તેમણે એર ઓફિસર કમાન્ડિંગ-ઇન-ચીફ તરીકે સેન્ટ્રલ એર કમાન્ડનું નેતૃત્વ કર્યું અને બાદમાં ‘ઓપરેશન સિંદૂર’ દરમિયાન ચીફ્સ ઓફ સ્ટાફ કમિટીના ચેરમેન માટે ચીફ ઓફ ઇન્ટિગ્રેટેડ ડિફેન્સ સ્ટાફ તરીકે સેવા આપી હતી. વાયુસેનાના પ્રમુખ તરીકે પદભાર સંભાળતા પહેલાં તેઓ વાયુસેનાના ઉપપ્રમુખ (વાઇસ ચીફ ઓફ ધ એર સ્ટાફ) તરીકે કાર્યરત હતા.
એર ચીફ માર્શલ આશુતોષ દીક્ષિત ડીફેન્સ સર્વિસીસ કમાન્ડ એન્ડ સ્ટાફ કોલેજ (બાંગ્લાદેશ) અને નેશનલ ડિફેન્સ કોલેજ (નવી દિલ્હી) ના સ્નાતક છે. રાષ્ટ્ર પ્રત્યેની તેમની વિશિષ્ટ સેવાની કદરરૂપે તેમને વાયુ સેના મેડલ (VM), વિશિષ્ટ સેના મેડલ (VSM), અતિ વિશિષ્ટ સેના મેડલ (AVSM) અને પરમ વિશિષ્ટ સેના મેડલ (PVSM) થી સન્માનિત કરવામાં આવ્યા છે.
એ.પી. સિંહને વિદાયમાન
બીજી તરફ, વાયુસેના પ્રમુખ (CAS) એર ચીફ માર્શલ એ. પી. સિંહ (PVSM, AVSM) 31 ઓક્ટોબર 2026 ના રોજ ભારતીય વાયુસેનામાંથી નિવૃત્ત થયા છે, જેની સાથે જ દેશ માટેની તેમની 42 વર્ષની ભવ્ય અને વિશિષ્ટ સેવાની કારકિર્દીનો સંપન્ન અંત આવ્યો છે.
આ પણ વાંચોઃ નિવૃત્તિ પહેલાં વાયુસેનાના વડા એર ચીફ માર્શલે તેજસની અંતિમ ઉડાન ભરીઃ જુઓ વીડિયો
એક કુશળ ફાઇટર પાઇલટ અને એક્સપેરિમેન્ટલ ટેસ્ટ પાઇલટ તરીકે તેમણે ભારતીય વાયુસેનાની ઓપરેશનલ ક્ષમતા, યુદ્ધ સજ્જતા અને આધુનિકીકરણમાં નોંધપાત્ર યોગદાન આપ્યું છે. વાયુસેના પ્રમુખ તરીકેનો તેમનો કાર્યકાળ નિર્ણાયક નેતૃત્વ અને ઓપરેશનલ સજ્જતા પરના અડગ ધ્યાન માટે જાણીતો રહ્યો છે, ખાસ કરીને ‘ઓપરેશન સિંદૂર’ દરમિયાન, જેમાં ભારતીય વાયુસેનાએ રાષ્ટ્રીય ઉદ્દેશ્યોની સેવામાં પોતાની યુદ્ધ ક્ષમતા, ઓપરેશનલ સચોટતા અને સંકલ્પશક્તિનું શ્રેષ્ઠ પ્રદર્શન કર્યું હતું. તેમના નેતૃત્વથી તમામ પ્રકારના સૈન્ય અભિયાનોમાં નિર્ણાયક જવાબ આપવાની વાયુસેનાની ક્ષમતા વધુ મજબૂત બની હતી.
 આજે 31 ઓક્ટોબર 2026ના રોજ ભારતીય વાયુસેનાના 29મા વડા (ચીફ ઓફ ધ એર સ્ટાફ)){kind=link}