સેમી ફાઈનલ પહેલા હાર્દિક પંડ્યા ગર્લફ્રેન્ડ સાથે સિદ્ધિ વિનાયકના દર્શને પહોંચ્યા, જુઓ VIDEO

મુંબઈ, 5 માર્ચ, 2026: Siddhi Vinayak ભારત અને ઈંગ્લેન્ડ વચ્ચે આજે સાંજે ICC Mens World Cup T20 નો સેમી ફાઈનલ મુકાબલો રમાવાનો છે. આ મહત્વની મેચની તૈયારીઓ વચ્ચે ભારતીય ક્રિકેટરો મુંબઈના સિદ્ધિ વિનાયક મંદિરમાં ભગવાન ગણપતિના આશીર્વાદ લઈ રહ્યા છે. ક્રિકેટર ઈશાન કિશન, અભિષેક શર્મા અને અક્ષર પટેલને મંદિરમાં ભગવાનના આશીર્વાદ લેતા જોવામાં આવ્યા હતા. ત્યારબાદ ક્રિકેટર હાર્દિક પંડ્યા પોતાની ગર્લફ્રેન્ડ માહિકા શર્મા સાથે અહીં પહોંચ્યા હતા.

હાર્દિક પંડ્યાનો વીડિયો સોશિયલ મીડિયા પર વાયરલ થઈ રહ્યો છે. આ વીડિયોમાં હાર્દિક અને માહિકાને સાથે ઊભા રહીને ગણપતિ બાપ્પાના આશીર્વાદ લેતા જોઈ શકાય છે. બંને હાથ જોડીને, નતમસ્તક થઈને પ્રાર્થના કરી રહ્યા છે. આ દરમિયાન એક બાબત જેણે સૌનું ધ્યાન ખેંચ્યું છે, તે છે બંનેનું એક જ શાલ શેર કરવું. માહિકા અને હાર્દિકે પોતાના ગળામાં ગોલ્ડન રંગની શાલ ઓઢી હતી. બંનેએ એકસરખા મરૂન આઉટફિટ પહેર્યા હતા. આ કપલનો વીડિયો સોશિયલ મીડિયા પર ખૂબ જ ઝડપથી વાયરલ થઈ રહ્યો છે.