ભાજપે ગુજરાત સહિત વિવિધ રાજ્યોના પ્રદેશ પ્રભારીઓ અને સહ પ્રભારીઓની કરી જાહેરાત

નવી દિલ્હી, 23 સપ્ટેમ્બર, 2026 – ભારતીય જનતા પાર્ટીએ દેશના તમામ રાજ્યો-કેન્દ્ર શાસિત પ્રદેશો માટે પ્રભારી અને સહ-પ્રભારીની નિયુક્તિની જાહેરાત કરી છે. ગુજરાતમાં પણ આ સાથે બે સહ-પ્રાભારીની નિયુક્તિની જાહેરાત થઈ છે. પ્રભારી તરીકે શ્રી તરુણ ચુઘની જાહેરાત અગાઉ થઈ ચૂકી હતી. આજે જારી યાદી અનુસાર શ્રીમતી ગોમતી સાઈ તથા શ્રી અજય મહાવરની ગુજરાતમાં સહ-પ્રભારી તરીકે નિયુક્તિ કરવામાં આવી છે. કેન્દ્રીય સ્તરે સ્મૃતિ ઈરાની, વિનોદ તાવડે અને રામ માધવને મળી મહત્વની જવાબદારી મળી છે.

ભારતીય જનતા પાર્ટી (BJP) દ્વારા બુધવારે વિવિધ રાજ્યો અને કેન્દ્રશાસિત પ્રદેશોના પ્રદેશ પ્રભારીઓ અને સહ પ્રભારીઓની જાહેરાત કરવામાં આવી છે. ભાજપના રાષ્ટ્રીય અધ્યક્ષ શ્રી નિતિન નવીન દ્વારા આ નવી નિમણૂકોની જાહેરાત કરવામાં આવી છે.

આ નિમણૂકો અંતર્ગત હરીશ દ્વિવેદીને બિહાર અને કર્ણાટક ભાજપના નવા પ્રદેશ પ્રભારી બનાવવામાં આવ્યા છે. તેમની સાથે સંગીતા યાદવ અને રોહન ગુપ્તાને બિહારના સહ પ્રભારી નિયુક્ત કરવામાં આવ્યા છે. ભાજપ દ્વારા જારી કરાયેલા પરિપત્ર મુજબ આ તમામ નિમણૂકો તાત્કાલિક અસરથી લાગુ થશે. ભાજપના પ્રખર નેતા અને પૂર્વ કેન્દ્રીય મંત્રી સ્મૃતિ ઈરાનીને છત્તીસગઢ અને હરિયાણાના પ્રભારી બનાવવામાં આવ્યા છે.

આ ઉપરાંત ભાજપના નેતા વિનય સહસ્રબુદ્ધેને દિલ્હી ભાજપના પ્રભારી, તરુણ ચુગને ગુજરાત અને શ્રીકાંત શર્માને હિમાચલ પ્રદેશના પ્રભારી બનાવાયા છે. રામ માધવને ઉત્તરાખંડ અને તમિલનાડુ ભાજપની જવાબદારી સોંપાઈ છે. વિનોદ તાવડેને ઉત્તર પ્રદેશની કમાનઉત્તર પ્રદેશમાં આગામી વિધાનસભા ચૂંટણીઓને ધ્યાનમાં રાખીને વિનોદ તાવડેને યુપી ભાજપના પ્રભારી નિયુક્ત કરવામાં આવ્યા છે.

આ ઉપરાંત યુપી ભાજપ માટે 4 સહ પ્રભારીઓ પણ નીમવામાં આવ્યા છે, જેમાં જગદીશ પટેલ, મેધા કુલકર્ણી, પ્રદીપ વર્મા અને અનંત ઓઝાનો સમાવેશ થાય છે. ગજેન્દ્ર પટેલને ઝારખંડના પ્રભારી અને સૌરભ સિંહને સહ પ્રભારી બનાવવામાં આવ્યા છે. પ્રો. એમ. નાગરાજાને કેરળમના પ્રભારી અને એમ. વેંકટેશનને સહ પ્રભારી બનાવવામાં આવ્યા છે. રાજકુમાર ભાટિયાને લદ્દાખના પ્રભારી બનાવાયા છે.

સતીશ પૂનિયાને જમ્મુ-કાશ્મીર અને પંજાબની જવાબદારીજ્યોર્જ કુરિયનને લક્ષદ્વીપના પ્રભારી નિયુક્ત કરાયા છે. સતીશ પૂનિયાને જમ્મુ-કાશ્મીર અને પંજાબની જવાબદારી સોંપવામાં આવી છે, તો બીજી તરફ અનિલ એન્ટનીને ગોવા અને નાગાલેન્ડના પ્રભારી બનાવવામાં આવ્યા છે. ભાજપે બિપ્લબ કુમાર દેબને મધ્ય પ્રદેશના પ્રદેશ પ્રભારી નિયુક્ત કર્યા છે, જ્યારે રેખા વર્માને સહ પ્રભારી બનાવવામાં આવ્યા છે. આ ઉપરાંત અમિત માલવીયને મહારાષ્ટ્રના પ્રભારી બનાવવામાં આવ્યા છે.

ભાજપ પ્રદેશ પ્રભારી અને સહ પ્રભારીઓની સંપૂર્ણ યાદી (સત્તાવાર પરિપત્ર મુજબ)