- સશસ્ત્ર સેના ધ્વજ દિન: દેશની રક્ષા કરનારા વીરો પ્રત્યે કૃતજ્ઞતા વ્યક્ત કરવાનો અવસર
નવી દિલ્હી, 12 નવેમ્બર, 2026: Armed Forces Flag Day Fund આપણા દેશની સરહદોની રક્ષા કરતા અસંખ્ય સૈનિકો પોતાના પ્રાણની આહુતિ આપે છે અથવા ગંભીર ઇજાનો ભોગ બને છે. આ બહાદુર સૈનિકો, પૂર્વ સૈનિકો અને તેમના પરિવારો કલ્યાણ માટે દર વર્ષે ૭ ડિસેમ્બરના રોજ સમગ્ર ભારતમાં ‘સશસ્ત્ર સેના ધ્વજ દિન’ (Armed Forces Flag Day) નિમિત્તે તેમનાં બલિદાનને યાદ કરવામાં આવે છે. આ દિવસનો મુખ્ય ઉદ્દેશ્ય નાગરિકો પાસેથી સ્વૈચ્છિક ફાળો એકત્રિત કરીને સૈનિકોના પુનર્વસન અને તેમના પરિવારજનોના કલ્યાણ માટે સહાય કરવાનો છે.
શરૂઆતનો ઇતિહાસ:
ભારતને સ્વતંત્રતા મળ્યા બાદ દેશના સૈનિકો અને તેમના આશ્રિતોની આર્થિક જરૂરિયાતોને પહોંચી વળવા માટે એક કાયમી વ્યવસ્થાની આવશ્યકતા ઊભી થઈ હતી. આ બાબતને ધ્યાનમાં રાખીને ઐતિહાસિક રીતે ૨૮ ઓગસ્ટ ૧૯૪૯ના રોજ ભારત સરકારના રક્ષામંત્રી હેઠળ એક સમિતિની રચના કરવામાં આવી હતી, જેમાં દર વર્ષે ૭ ડિસેમ્બરે ‘ધ્વજ દિન’ ઉજવવાનો નિર્ણય લેવાયો હતો. ત્યારથી લઈને આજ દિન સુધી, દર વર્ષે ૭ ડિસેમ્બરે આ દિવસ સંપૂર્ણ રાષ્ટ્રીય ગૌરવ સાથે ઉજવવામાં આવે છે.
આ ફંડનો ઉપયોગ ક્યાં થાય છે?
સશસ્ત્ર સેના ધ્વજ દિન ફંડ (Armed Forces Flag Day Fund) માં એકત્રિત થતી રકમનો ઉપયોગ ખૂબ જ પારદર્શક અને સામાજિક હિતના કાર્યો માટે થાય છે:
૧. યુદ્ધમાં શહીદ થયેલા વીરોના પરિવારો (વીર નારીઓ અને અનાથ બાળકો)નાં કલ્યાણ અને શિક્ષણ માટે.
૨. ગંભીર રીતે ઘાયલ થયેલા અથવા અપંગ બનેલા પૂર્વ સૈનિકોની સારવાર અને પુનર્વસન માટે.
૩. સેવાનિવૃત્ત સૈનિકો અને તેમના આશ્રિતોને નાણાકીય કટોકટીના સમયમાં સહાય પૂરી પાડવા માટે.
આપણી નૈતિક જવાબદારી:
આ દિવસે નાગરિકો લાલ, વાદળી અને ઘેરા ભૂરા રંગના નાના પ્રતીકાત્મક ધ્વજ અને સ્ટીકરો ખરીદીને સ્વેચ્છાએ ફાળો આપે છે. આ માત્ર આર્થિક મદદ નથી, પરંતુ દેશના રક્ષકો પ્રત્યે આપણી કૃતજ્ઞતા વ્યક્ત કરવાનું એક ઉત્તમ માધ્યમ છે. આ ધ્વજ દિને, આપણે સૌએ સૈનિકોના પરિવારજનોને મદદરૂપ થઈને દેશભક્તિની સાચી ભાવના પ્રગટ કરવી જોઈએ.
Honouring Our Heroes. Supporting Their Families.
Let us come together to honour the courage, sacrifice and unwavering dedication of our brave soldiers who safeguard our nation. Their service deserves more than just our gratitude. It deserves our support.
Let us contribute generously to the Armed Forces Flag Day Fund and extend a helping hand to our brave veterans, war widows and the families of our fallen heroes. Every contribution, big or small, is a meaningful gesture of gratitude.
This Flag Day, let us turn our respect into action. Donate today and make a difference!#ArmedForcesFlagDay2026
— Ministry of Defence, Government of India (@SpokespersonMoD) November 12, 2026
સંરક્ષણ મંત્રાલયે આ અંગે એક્સ પોસ્ટ દ્વારા જણાવ્યું કે,
ચાલો, આપણા રાષ્ટ્રની સુરક્ષા કરતા વીર સૈનિકોના સાહસ, બલિદાન અને અતૂટ સમર્પણને સન્માનિત કરવા માટે સૌ એકસાથે આગળ આવીએ. તેમની સેવા માત્ર આપણા આભારની જ નહીં, પરંતુ આપણા સક્રિય સહયોગની પણ હકદાર છે.
ચાલો, ‘સશસ્ત્ર સેના ધ્વજ દિન ફંડ’ (Armed Forces Flag Day Fund) માં ઉદારતાપૂર્વક યોગદાન આપીએ અને આપણા બહાદુર પૂર્વ સૈનિકો, વીર નારીઓ (યુદ્ધ વિધવાઓ) અને શહીદ વીરોના પરિવારો તરફ મદદનો હાથ લંબાવીએ. નાનું કે મોટું—દરેક યોગદાન એ કૃતજ્ઞતા વ્યક્ત કરવાનું એક અર્થપૂર્ણ માધ્યમ છે.
આ ધ્વજ દિને, ચાલો આપણા સન્માનને સેવાના કાર્યમાં પરિવર્તિત કરીએ. આજે જ દાન કરો અને એક સકારાત્મક બદલાવ લાવો!
