અમદાવાદ, 18 સપ્ટેમ્બર, 2026 – Finland-Gujarat Networking and Business Connect ગુજરાત ચેમ્બર ઓફ કોમર્સ એન્ડ ઇન્ડસ્ટ્રી (GCCI) દ્વારા તાજેતરમાં GCCIના એસ્ટ્રલ એક્ઝિક્યુટિવ રૂમ ખાતે ‘ફિનલેન્ડ–ગુજરાત નેટવર્કિંગ એન્ડ બિઝનેસ કનેક્ટ’નું સફળ આયોજન કરવામાં આવ્યું હતું. આ કાર્યક્રમમાં ફિનલેન્ડના અગ્રણી ઉદ્યોગપતિઓ, સરકારી પ્રતિનિધિઓ, વેપાર પ્રમોશન એજન્સીઓ અને ઉદ્યોગ વ્યાવસાયિકોનું એક વિશિષ્ટ પ્રતિનિધિમંડળ ગુજરાતના વેપારી સમુદાય સાથે ઉપસ્થિત રહ્યું હતું.
બુધવાર, 16 સપ્ટેમ્બર 2026ના રોજ યોજાયેલા આ કાર્યક્રમનો મુખ્ય ઉદ્દેશ ફિનલેન્ડ અને ગુજરાત વચ્ચે બિઝનેસ-ટુ-બિઝનેસ (B2B) જોડાણ, સંસ્થાકીય નેટવર્કિંગ અને સંભવિત વ્યાપારી સહયોગના ક્ષેત્રોની શોધખોળ માટે એક ઉત્તમ મંચ પૂરો પાડવાનો હતો.
સ્વાગત પ્રવચન આપતા GCCIના વાઇસ પ્રેસિડેન્ટ શ્રી હરિ વસંતે 1949માં તેની સ્થાપનાથી લઈને અત્યાર સુધીની GCCI ની સાત દાયકાની સફર પર પ્રકાશ પાડ્યો હતો. તેમણે ગુજરાતના ઉદ્યોગો માટે અર્થપૂર્ણ આંતરરાષ્ટ્રીય વ્યાપારી જોડાણો સુનિશ્ચિત કરતા પ્લેટફોર્મના મહત્વ પર ભાર મૂક્યો હતો. તેમણે જણાવ્યું હતું કે ગુજરાતની ઔદ્યોગિક ક્ષમતા અને ઉત્પાદન શક્તિ, ફિનલેન્ડની ટેકનોલોજી, ઇનોવેશન, સસ્ટેનિબિલિટી અને અદ્યતન ઉકેલોની કુશળતા સાથે મળીને વિવિધ ક્ષેત્રોમાં ભાગીદારી માટે વિશાળ તકો પૂરી પાડે છે.
ત્યારબાદ GCCIની ઇન્ટરનેશનલ ટ્રેડ કમિટીના ચેરમેન શ્રી અપૂર્વ શાહે પ્રાસંગિક ઉદ્બોધન કર્યું હતું. તેમણે બજારમાં પ્રવેશ, જ્ઞાનનું આદાન-પ્રદાન અને વ્યાપારી ભાગીદારીને સરળ બનાવવામાં આંતરરાષ્ટ્રીય વ્યાપારી મંચોની ભૂમિકા વિશે જણાવ્યું હતું. આ કાર્યક્રમ દરમિયાન GCCI અને GATEનો પરિચય પણ કરાવવામાં આવ્યો હતો, જે બાદ ફિનલેન્ડના પ્રતિનિધિમંડળ અને GCCI ના સભ્યો વચ્ચે ઇન્ટરેક્ટિવ નેટવર્કિંગ સત્ર યોજાયું હતું.
ફિનલેન્ડના પ્રતિનિધિમંડળમાં ફિનલેન્ડની સરકાર, વેપાર પ્રમોશન, ટેકનોલોજી, ઉત્પાદન, સર્ક્યુલર ઇકોનોમી (અર્થાત ચીજોનો પુનઃ ઉપયોગ કરવાની પદ્ધતિ અને એ દ્વારા ચાલતું અર્થતંત્ર), ક્લીન ટેકનોલોજી, ડિજિટલ સોલ્યુશન્સ, મેરીટાઇમ અને ઔદ્યોગિક ક્ષેત્રોના પ્રતિનિધિઓ સામેલ હતા. આ પ્રતિનિધિમંડળમાં બિઝનેસ ફિનલેન્ડ, બિઝનેસ લાહ્ટી, નવી દિલ્હી સ્થિત ફિનલેન્ડ દૂતાવાસ, વિયેના સ્થિત ફિનલેન્ડ દૂતાવાસ, ફિનલેન્ડના વિદેશ મંત્રાલય અને ફિનલેન્ડના કેમિકલ ઇન્ડસ્ટ્રી ફેડરેશનના પ્રતિનિધિઓએ ભાગ લીધો હતો. સર્ક્યુલર મટીરિયલ્સ, ટકાઉ ઉત્પાદન ડિઝાઇન, અદ્યતન ટેકનોલોજી, ઔદ્યોગિક ઉકેલો, પાણી અને પર્યાવરણીય ઉકેલો, ડિજિટાઇઝેશન, ઉર્જા અને મેરીટાઇમ ક્ષેત્રોમાં કાર્ય કરતી સંસ્થાઓની ઉપસ્થિતિથી આ વ્યવસાયિક ચર્ચા ખૂબ જ ફળદાયી રહી હતી.
આ પ્રસંગે GCCIના માનદ મંત્રી શ્રી નવરોઝ તારાપોર અને માનદ મંત્રી (R) શ્રી હિમાંશુ પટેલ ઉપસ્થિત રહ્યા હતા. GCCIના હોદ્દેદારો દ્વારા નવી દિલ્હી સ્થિત ફિનલેન્ડ દૂતાવાસના કોમર્શિયલ કાઉન્સિલર અને ટ્રેડ એન્ડ બિઝનેસ પ્રમોશનના હેડ સુશ્રી ગિટ્ટા પેરેઝનું સન્માન કર્યું અને ગુજરાતના વેપારી સમુદાય સાથે ફિનલેન્ડ દૂતાવાસના સહયોગને બિરદાવવામાં આવ્યો હતો. કાર્યક્રમના અંતે GCCI ના માનદ ખજાનચી શ્રી ધ્રુવિલ પટેલે આભારવિધિ કરી હતી.
આ કાર્યક્રમે આંતરરાષ્ટ્રીય વ્યાપારી જોડાણોને સરળ બનાવવા અને ગુજરાતના સાહસિકો વૈશ્વિક વેપાર પરિસ્થિતિ સાથે જોડાઈ શકે તે માટે યોગ્ય પ્લેટફોર્મ પૂરું પાડવાની GCCIની પ્રતિબદ્ધતાને વધુ દ્રઢ કરી છે.
 દ્વારા તાજેતરમાં GCCIના એસ્ટ્રલ એક્ઝિક્યુટિવ રૂમ ખાતે 'ફિનલેન્ડ–ગુજરાત નેટવર્કિંગ){kind=link}