પોરબંદર, 29 ઑક્ટોબર, 2026 – Coast Guard કોસ્ટ ગાર્ડ રિજન (ઉત્તર પશ્ચિમ) હેઠળના કોસ્ટ ગાર્ડ ડિસ્ટ્રિક્ટ હેડક્વાર્ટર નં. 1 (દક્ષિણ ગુજરાત, દમણ અને દીવ) દ્વારા 26-27 ઓક્ટોબર 26ના રોજ પોરબંદરમાં ‘એરિયા લેવલ પોલ્યુશન રિસ્પોન્સ એક્સરસાઇઝ-25’ સફળતાપૂર્વક યોજવામાં આવી હતી. 27 ઓક્ટોબર 2026ના રોજ પોરબંદર મ્યુનિસિપલ કોર્પોરેશનના મેયર શ્રી સાગર મોદી મુખ્ય મહેમાન તરીકે આ કાર્યક્રમમાં ઉપસ્થિત રહ્યા હતા.
વાસ્તવિક પરિસ્થિતિઓને ધ્યાનમાં રાખીને તૈયાર કરાયેલી આ બે દિવસીય કવાયતમાં ભારતીય કોસ્ટ ગાર્ડની સપાટી પરની અસ્ક્યામતો સામેલ હતી. આ ડ્રીલ્સમાં ‘બૂમ્સ’ અને ‘સ્કીમર્સ’ (Bools and Skimmers – તેલ કે કચરો સાફ કરવાના સાધનો)ના અસરકારક ઉપયોગ દ્વારા આઈસીજી (ICG)ની પ્રદૂષણ પ્રતિસાદ ક્ષમતાઓનું પ્રદર્શન કરવામાં આવ્યું હતું. આ કવાયતે ગુજરાત મેરિટાઇમ બોર્ડ, એમઓએસ (MoES), ઇએસએસઓ-ઇન્કોઇસ (ESSO-INCOIS), સીએમએલઆરઇ (CMLRE), અને એનસીસીઆર (NCCR) જેવા મુખ્ય પ્રાદેશિક હિસ્સેદારોને પણ એક મંચ પર લાવ્યા, જેનાથી એજન્સીઓ વચ્ચેનું પરસ્પર સંકલન મજબૂત બન્યું છે. ગુજરાતના પર્યાવરણીય રીતે સંવેદનશીલ દરિયાકાંઠાની સુરક્ષા માટે સંયુક્ત પ્રતિસાદ પદ્ધતિઓને વધુ સક્ષમ બનાવવા માટે વ્યવહારિક પ્રદર્શનો સાથે રણનીતિક આયોજન સત્રો પણ યોજવામાં આવ્યા હતા.
આ પણ વાંચોઃ ભારતીય વાયુસેનાની સૂર્યકિરણ એરોબેટિક ટીમ દ્વારા 01 નવેમ્બર 2026ના રોજ ભાવનગરમાં એર શો
ઓઇલ સ્પિલ (તેલ ફેલાવવાની દુર્ઘટના)ના પ્રતિસાદ માટે નિયુક્ત રાષ્ટ્રીય સત્તાધિકારી તરીકે, ભારતીય કોસ્ટ ગાર્ડ ‘નેશનલ ઓઇલ સ્પિલ ડિઝાસ્ટર કન્ટિંજન્સી પ્લાન’ (NOSDCP) હેઠળ દરિયાઈ પર્યાવરણ સંરક્ષણના પ્રયાસોનું નેતૃત્વ કરવાનું ચાલુ રાખે છે. આવા પ્રદૂષણ પ્રતિસાદ અભ્યાસો યોજીને, કોસ્ટ ગાર્ડ દરિયાઈ પર્યાવરણનું રક્ષણ કરવા, હિસ્સેદારોની તૈયારીઓને વધારવા અને તેના સૂત્ર “વયમ રક્ષામહ” (અમે રક્ષણ કરીએ છીએ) અનુસાર તટીય સમુદાયોની સજ્જતા સુનિશ્ચિત કરવાની પોતાની પ્રતિબદ્ધતા પુનઃપુષ્ટ કરે છે.
 હેઠળના કોસ્ટ ગાર્ડ ડિસ્ટ્રિક્ટ હેડક્વાર્ટર નં. 1 (દક્ષિણ ગુજરાત, દમણ અને દીવ) દ્વારા 26-27 ઓક્ટોબર 26ના રોજ){kind=link}