- ઉત્તરાખંડના ચકરાતા વિસ્તારમાં ગોઝારો અકસ્માત
- અહીંયા એક યુટિલિટી વ્હિકલ ખીણમાં ખાબક્યું
- તેને કારણે 14 લોકોના કમકમાટીભર્યા મોત
નવી દિલ્હી: ઉત્તરાખંડના ચકરાતા વિસ્તારમાં એક ગોઝારો અકસ્માત સર્જાયો છે. બાયલા ગામથી વિકાસનગર જઇ રહેલું એક યુટિલિટી વ્હિકલ ખીણમાં ખાબક્યું છે.
પ્રાપ્ત અહેવાલો અનુસાર, આ યુટિલિટી વ્હિકલ ખીણમાં ખાબકતા તેમાં સવાર 19 લોકોમાંથી 14 લોકોનાં કમકમાટીભર્યા મોત નિપજ્યા છે. જ્યારે અન્ય લોકો ઘાયલ થયા છે.
આ દુર્ઘટના અંગે આસપાસના ગ્રામજનોને ખબર પડતા જ તેઓ તાત્કાલિક ઘટનાસ્થળે દોડી આવ્યા હતા. તેઓ બચાવ અને રાહત કામગીરીમાં જોડાયા છે. અત્યંત દુર્ગમ વિસ્તારમાં હોવાના કારણે રેસ્ક્યૂ ટીમને અકસ્માત સ્થળે પહોંચતા વધુ સમય લાગી રહ્યો છે.
