સંરક્ષણ મંત્રાલય IAF માટે 160 સેટેલાઇટ સ્માર્ટ એન્ટી એરફીલ્ડ વેપન્સ ખરીદશે

• આત્મનિર્ભર ભારત માટે પ્રોત્સાહનરૂપ એવો BDL સાથે Rs 811 કરોડનો કરાર

નવી દિલ્હી, 24 સપ્ટેમ્બર 2026: satellite-guided smart anti-airfield weapons for the IAF સંરક્ષણ મંત્રાલયે ભારતીય વાયુસેના (IAF) માટે સંબંધિત સાધન-સામગ્રી સાથે 160 સેટેલાઇટ સ્માર્ટ એન્ટી એરફીલ્ડ વેપન્સ (SAT-SAAW) ની ખરીદી માટે ભારત ડાયનેમિક્સ લિમિટેડ (BDL) સાથે કુલ Rs 810.79 કરોડના કરાર પર હસ્તાક્ષર કર્યા છે. આ કરાર ‘બાય (ઇન્ડિયન – ઇન્ડીજીનસલી ડિઝાઇન, ડેવલપ્ડ એન્ડ મેન્યુફેક્ચર્ડ – IDDM)’ શ્રેણી હેઠળ કરવામાં આવ્યો છે. નવી દિલ્હી ખાતે 23 સપ્ટેમ્બર 2026 ના રોજ સંરક્ષણ સચિવ શ્રી રાજેશ કુમાર સિંહની ઉપસ્થિતિમાં આ કરાર પર હસ્તાક્ષર કરવામાં આવ્યા હતા.

SAT-SAAW એ હવામાંથી જમીન પર પ્રહાર કરતો અચૂક માર્ગદર્શિત ગ્લાઇડ બોમ્બ (air-to-ground precision guided glide bomb) છે, જેને જેગુઆર (Jaguar), હોક (Hawk) અને સુખોઇ (Su-30 MKI) જેવા પ્લેટફોર્મ્સ પરથી લોન્ચ કરી શકાય છે. તે ખૂબ જ સુરક્ષિત અંતરથી (long stand-off range) દુશ્મનના એરફીલ્ડ અને રનવેને નિષ્ક્રિય કરવાની ક્ષમતા ધરાવે છે.

DRDO દ્વારા સ્વદેશી રીતે ડિઝાઇન અને વિકસાવવામાં આવેલી આ સિસ્ટમમાં 60% સ્વદેશી સામગ્રી હશે. સંરક્ષણ ક્ષેત્રે ‘આત્મનિર્ભરતા’ને વધુ વેગ આપવા માટે ઇનિશિયલ મેઝરમેન્ટ યુનિટ (Initial Measurement Unit), લોંગ ઇમ્પેક્ટ ડિલે ફ્યુઝ (Long Impact Delay Fuse) અને ટ્વિન સ્ટોર કેરિયર (Twin Store Carrier) જેવા સબ-સિસ્ટમ્સનું પણ સ્વદેશીકરણ કરવામાં આવશે.

SAT-SAAW ની ડિલિવરી 2027-2028 અને 2028-2029 વચ્ચે નિર્ધારિત કરવામાં આવી છે. વાયુસેનાના કાફલામાં તેનો સમાવેશ ચોક્કસપણે IAF ની ઓપરેશનલ ક્ષમતામાં મોટો વધારો કરશે, જેનાથી કોઈપણ અવરોધ વગર વાયુસેના પોતાના મિશન ચાલુ રાખી શકશે અને દેશની સંરક્ષણ સજ્જતા વધુ મજબૂત બનશે.