હવે ટ્વિટર પર 10,000 કેરેક્ટર્સમાં કરો ટ્વિટ,બોલ્ડ અને ઇટાલિક ફંક્શનની પણ સુવિધા
દિલ્હી : માઈક્રો-બ્લોગિંગ સાઈટ ટ્વિટરએ ‘ટ્વિટર બ્લુ’ યુઝર્સ માટે ટ્વીટમાં અક્ષરોની મહત્તમ સંખ્યા વધારીને 10,000 કરી છે અને બોલ્ડ અને ઈટાલિક ટેક્સ્ટ ફોર્મેટિંગ ફંક્શન પણ રજૂ કર્યા છે. કંપનીએ શુક્રવારે આ જાણકારી આપી હતી.
તેમણે તેના ટ્વિટર રાઈટ અકાઉન્ટ પરથી કહ્યું, “અમે ટ્વિટર પર લેખન અને વાંચનનો અનુભવ સુધારી રહ્યા છીએ! આજથી, Twitter બોલ્ડ અને ઇટાલિક ટેક્સ્ટ ફોર્મેટિંગ સાથે 10,000 અક્ષરો સુધીની ટ્વીટ્સને મંજૂરી આપે છે. આ નવી સુવિધાઓનો લાભ લેવા માટે Twitter Blue માટે સાઇન અપ કરો.
અમેરિકન બિઝનેસમેન એલન મસ્કે ઓક્ટોબર 2022ના અંતમાં ટ્વિટરના $44 બિલિયનના એક્વિઝિશનને અંતિમ સ્વરૂપ આપ્યું હતું. Twitter એ મૂળભૂત રીતે એક અમેરિકન કંપની છે, જેની સ્થાપના વર્ષ 2006માં થઈ હતી અને તેનું મુખ્ય મથક સૈન ફ્રાન્સિસ્કો, કેલિફોર્નિયામાં છે.
અધિગ્રહણ બાદ, મસ્કે ટ્વિટરની ગોપનીયતા, સાયબર સુરક્ષા અને સેન્સરશીપ માટે જવાબદાર અધિકારીઓને બરતરફ સહિત કંપનીની રોજ-બ-રોજની કામગીરીમાં ફેરફાર કર્યો. વધુમાં, ટ્વિટરના લગભગ બે તૃતીયાંશ કર્મચારીઓને પણ છૂટા કરવામાં આવ્યા હતા.
