ભારતીય નૌકાદળની પ્રથમ તાલીમ સ્કવોડ્રનનું શ્રીલંકાના કોલંબોથી પ્રસ્થાન

કોલંબો, 30 ઑક્ટોબર, 2026 – Indian Navy INS તીર, INS સુજાતા અને ICGS સારથિ ધરાવતી ભારતીય નૌકાદળના પ્રથમ તાલીમ સ્કવોડ્રન (1TS)ના જહાજો, સફળ પોર્ટ મુલાકાત પૂર્ણ કર્યા બાદ 29 ઓક્ટોબર 2026ના રોજ શ્રીલંકાના કોલંબોથી રવાના થયા. આ મુલાકાતમાં ભારતીય નૌકાદળ (IN) અને શ્રીલંકા નૌકાદળ (SLN) વચ્ચે દ્વિપક્ષીય સંકલન જોવા મળ્યું હતું, જેણે બંને દેશો વચ્ચે સંરક્ષણ સહયોગ અને દરિયાઈ ભાગીદારીને મજબૂત કરી હતી

પોર્ટ કોલ દરમિયાન, જહાજોના કમાન્ડિંગ ઓફિસર્સ સાથે 1TSના સિનિયર ઓફિસરે શ્રીલંકા નૌકાદળના કમાન્ડર, વેસ્ટર્ન નેવલ એરિયાની મુલાકાત લીધી હતી. આ વાતચીતે નજીકના દ્વિપક્ષીય સંબંધો અને દરિયાઈ સહયોગ વધારવા માટે બંને નૌકાદળોની વહેંચાયેલી પ્રતિબદ્ધતાની પુનઃપુષ્ટિ કરી હતી.

આ પણ વાંચોઃ ભારતીય વાયુસેનાની સૂર્યકિરણ એરોબેટિક ટીમ દ્વારા 01 નવેમ્બર 2026ના રોજ ભાવનગરમાં એર શો

વ્યાવસાયિક જોડાણોના ભાગરૂપે, 1TSના સી ટ્રેઇનીઓએ નેવલ એન્ડ મરીન એકેડેમી (NMA), ત્રિન્કોમાલીની મુલાકાત લીધી હતી અને તેમના શ્રીલંકન સમકક્ષો સાથે વાર્તાલાપ કર્યો હતો. પરસ્પર જોડાણમાં NMAના SLN કૅડેટ્સે 1TS જહાજોની મુલાકાત લીધી અને સ્કવોડ્રનની તાલીમ સુવિધાઓ અને પ્રવૃત્તિઓ વિશે માહિતી મેળવી. આ આંતરક્રિયાઓએ અનુભવોની આપ-લે કરવાની તકો પૂરી પાડી અને બંને નૌકાદળોના તાલીમાર્થીઓ વચ્ચે વ્યાવસાયિક ભાઈચારો પ્રોત્સાહિત કર્યો.

તેની સામુદાયિક આઉટરીચ પહેલોના ભાગરૂપે, ભારતીય નૌકાદળના કર્મચારીઓએ બીચ ક્લીન-અપ પ્રવૃત્તિમાં ભાગ લીધો હતો, જે પર્યાવરણીય સ્થિરતાને પ્રોત્સાહન આપે છે. સ્થાનિક સમુદાયના સભ્યો અને ભારતીય ડાયસ્પોરા સહિતના મુલાકાતીઓ માટે પણ જહાજો ખુલ્લા મૂકવામાં આવ્યા હતા, જેણે ક્રૂ સાથે વાર્તાલાપ કરવાની અને ભારતીય નૌકાદળની તાલીમ અને ઓપરેશનલ પ્રવૃત્તિઓ વિશે માહિતી મેળવવાની તક પૂરી પાડી હતી.

કોલંબોથી રવાના થતી વખતે, 1TSના જહાજોએ SLNS નંદીમિત્ર સાથે પેસેજ એક્સરસાઇઝ (PASSEX) હાથ ધરી હતી. આ કવાયતે સમન્વયિત દરિયાઈ દાવપેચને સુગમ બનાવ્યા અને બંને દરિયાઈ દળો વચ્ચે ઓપરેશનલ સમન્વય અને આંતર-ઓપરેટેબિલિટીમાં વધારો કર્યો છે.

આ મુલાકાતે ભારત અને શ્રીલંકા વચ્ચેના સ્થાયી દરિયાઈ ભાગીદારી પર ભાર મૂક્યો અને મહાસાગર (MAHASAGAR – મ્યુચ્યુઅલ એન્ડ હોલિસ્ટિક એડવાન્સમેન્ટ ફોર સિક્યોરિટી એન્ડ ગ્રોથ એક્રોસ રીજન્સ)ના વિઝનને અનુરૂપ પ્રાદેશિક દરિયાઈ સહયોગ અને ક્ષમતા નિર્માણ માટે તેમની વહેંચાયેલી પ્રતિબદ્ધતાની પુનઃપુષ્ટિ કરી હતી.

♦ રિવોઈમાં પ્રકાશિત થતા વિશેષ લેખ તેમજ સમાચારો વિશે તમારો અભિપ્રાય જરૂર આપો – ઈમેલઃ [email protected] ♦