સોશિયલ મીડિયાના જાણીતા ટ્રાવેલ ઇન્ફ્લુએન્સર અને ફોટોગ્રાફર અનુનય સૂદનું નિધન થયું છે. આ સમાચારથી દરેક જણ આશ્ચર્યચકિત છે, કારણ કે અનુનય સૂદની ઉંમર હજુ માત્ર 32 વર્ષ હતી. તેમનું મૃત્યુ કયા કારણોસર થયું તે અંગે કોઈ માહિતી સામે આવી નથી.
અનુનય સૂદના ઓફિશિયલ ઇન્સ્ટાગ્રામ પર તેમના પરિવારે એક પોસ્ટ શેર કરી છે. પોસ્ટમાં લખ્યું છે: “અત્યંત દુઃખ સાથે અમારે અમારા પ્રિય અનુનય સૂદના નિધનની જાણકારી આપવી પડી રહી છે. આ મુશ્કેલ સમયમાં અમે તમારી સહાનુભૂતિ અને ખાનગીપણાની જાળવણી માટે વિનંતી કરીએ છીએ. અમે તમને નમ્ર વિનંતી કરીએ છીએ કે ખાનગી સંપત્તિ પાસે ભીડ એકઠી કરવાનું ટાળો. કૃપા કરીને તેમના પરિવાર અને પ્રિયજનો પ્રત્યે તમારી સંવેદના અને પ્રાર્થનાઓ જાળવી રાખો. ઈશ્વર તેમની આત્માને શાંતિ પ્રદાન કરે.”
અનુનયને છેલ્લે લાસ વેગાસમાં જોવામાં આવ્યા હતા, જ્યાં તેઓ લક્ઝરી કાર પ્રદર્શનનો ભાગ બન્યા હતા. તેમણે લક્ઝરી ગાડીઓ સાથે સોલો ફોટા પોસ્ટ કર્યા હતા. યુઝર્સ અને અન્ય ટ્રાવેલ ઇન્ફ્લુએન્સર્સ અનુનય સૂદના અચાનક નિધનથી ખૂબ જ દુઃખી છે. અનુનય સૂદ સોશિયલ મીડિયાના જાણીતા ટ્રાવેલ ઇન્ફ્લુએન્સર અને ફોટોગ્રાફર હતા. સોશિયલ મીડિયા પર તેમને 14 લાખ લોકો ફોલો કરતા હતા. અનુનય પોતાની યુટ્યુબ ચેનલ પણ ચલાવતા હતા, જેના પર 3.8 લાખ સબસ્ક્રાઇબર્સ પણ છે. ખાસ વાત એ છે કે 32 વર્ષની ઉંમરે પણ અનુનયનું નામ ફોર્બ્સ ઇન્ડિયાની ટોપ 100 ડિજિટલ સ્ટાર્સની યાદીમાં સામેલ હતું. વર્ષ 2022 થી લઈને 2024 સુધી તેમનું નામ આ યાદીમાં સામેલ કરવામાં આવ્યું હતું.
અનુનય સૂદ લાંબા સમયથી દુબઈમાં રહેતા હતા અને ત્યાંના ટ્રાવેલ સ્પોટ્સને કવર કરી રહ્યા હતા. તેઓ પોતાની એક નાની ફર્મ પણ ચલાવતા હતા, જોકે હવે તેમના નિધન પછી તેઓ તેમની પાછળ ઘણા સવાલો છોડી ગયા છે. તેમને ચાહતા લોકો એ જાણવા માંગે છે કે તેમનું નિધન કેવી રીતે થયું. એક યુઝરે લખ્યું, “ભગવાન તમને તેમના શ્રી ચરણોમાં સ્થાન આપે, આ વિશ્વાસ કરવો મુશ્કેલ છે કારણ કે મને ગઈકાલે રાત્રે જ તેના વિશે ખબર પડી હતી.” નિધન
