રશિયાએ અફઘાનિસ્તાનમાં તાલિબાન સરકારને ઔપચારિક રીતે માન્યતા આપવાની જાહેરાત કરી છે. આ નિર્ણય અંગે, રશિયન વિદેશ મંત્રાલયે કહ્યું, તેને અફઘાનિસ્તાનના નવનિયુક્ત રાજદૂત ગુલ હસન હસન તરફથી ઓળખપત્રો મળ્યા છે. અફઘાનિસ્તાનમાં તાલિબાન સરકારને ઔપચારિક રીતે માન્યતા આપનાર પ્રથમ દેશ બનવા અંગે, રશિયન વિદેશ મંત્રાલયે કહ્યું, અફઘાન સરકારને સત્તાવાર માન્યતા આપવાથી બંને દેશો વચ્ચે ‘ઉત્પાદક દ્વિપક્ષીય સહયોગ’ને પ્રોત્સાહન મળશે. રશિયાએ કહ્યું કે, હવે ગેરકાયદેસર સંગઠન નથી.
અફઘાનિસ્તાનમાં તાલિબાન શાસન 2021 માં લાગુ કરવામાં આવ્યું હતું. યુએસ દળોએ દેશ છોડ્યા પછી, તાલિબાન નેતાઓએ દેશનું નેતૃત્વ સંભાળ્યું હતું. હાલમાં, દેશના વિદેશ મંત્રાલયનું સંચાલન આમિર ખાન મુત્તાકી કરી રહ્યા છે. રશિયાએ હવે તાલિબાનને ગેરકાયદેસર સંગઠનોની યાદીમાંથી દૂર કરી દીધું છે. રશિયન વિદેશ મંત્રાલયની જાહેરાત બાદ, અફઘાનિસ્તાનના વિદેશ મંત્રાલયે આ નિર્ણયને ઐતિહાસિક પગલું ગણાવ્યું હતું. તાલિબાનના વિદેશ પ્રધાન આમિર ખાન મુત્તાકીના આ નિર્ણયનું સ્વાગત કરતા, તેમણે તેને ‘અન્ય દેશો માટે એક સારું ઉદાહરણ’ ગણાવ્યું હતું.
