મહેસાણા, 2 એપ્રિલ 2026: Two sleeping children of a worker die after JCB hits જિલ્લાના કડી તાલુકામાં ગત રાત્રે કલ્યાણપુર નજીક રોડની બાજુમાં નિદ્રાધીન શ્રમિક પરિવારના બે માસૂમ બાળકો પર જેસીબી ફરી વળતા બંને બાળકોના કરુણ મોત નિપજ્યા છે. આ અકસ્માતને પગલે શ્રમિક પરિવારમાં ભારે આક્રંદ છવાઈ ગયો છે. ઘટનાની જાણ થતા જ કડી પોલીસનો કાફલો તાત્કાલિક ઘટનાસ્થળે દોડી આવ્યો હતો. પોલીસે બંને બાળકોના મૃતદેહોને પોસ્ટમોર્ટમ અર્થે ખસેડીને તપાસ શરૂ કરી છે.
આ બનાવની વિગત એવી છે કે, કડીના કલ્યાણપુર પાસે આવેલી શિવશક્તિ જીનીંગની સામેના માર્ગ પર આ અકસ્માત સર્જાયો હતો. એક શ્રમિક પરિવાર દિવસભરની મજૂરી બાદ થાકીને રોડની નજીક સાઈડમાં સૂતો હતો. આ દરમિયાન રાત્રિના અંધકારમાં પૂરપાટ ઝડપે આવતા એક જેસીબીના ચાલકે સ્ટેરિંગ પરથી કાબૂ ગુમાવ્યો હતો અને જેસીબી સૂતેલા પરિવાર પર ચડાવી દીધું હતું. જેસીબીના તોતિંગ ટાયરો નીચે આવી જવાથી આ પરિવારના બે માસૂમ બાળકોનું ઘટનાસ્થળે જ મોત નિપજ્યું હતું. અકસ્માત એટલો ભયાનક હતો કે બાળકોને બચાવવાની કોઈ તક મળી ન હતી. આસપાસના લોકો દોડી આવ્યા હતા, પરંતુ ત્યાં સુધીમાં કાળમુખું જેસીબી માસૂમોનો ભોગ લઈ ચૂક્યું હતું. ઘટનાની જાણ થતા જ કડી પોલીસનો કાફલો તાત્કાલિક ઘટનાસ્થળે દોડી આવ્યો હતો. પોલીસે બંને બાળકોના મૃતદેહોને પોસ્ટમોર્ટમ અર્થે ખસેડીને તપાસ શરૂ કરી છે.
