કેન્દ્રીય કેબિનેટે સાત જિલ્લાને આવરી લેતા ભારતીય રેલ્વેમાં બે મલ્ટીટ્રેકિંગ પ્રોજેક્ટ્સને મંજૂરી
નવી દિલ્હીઃ પ્રધાનમંત્રી નરેન્દ્રની અધ્યક્ષતામાં આર્થિક બાબતોની મંત્રીમંડળ સમિતિ મોદીએ રેલવે મંત્રાલયના કુલ રૂ. 6405 કરોડના બે પ્રોજેક્ટ્સને મંજૂરી આપી છે . જેમાં કોડરમા-બરકાકાના ડબલિંગ અને બલ્લારી-ચિકજાજુર ડબલિંગનો સમાવેશ થાય છે. કોડરમા – બરકાકાના ડબલિંગ (133 કિમી ) – આ પ્રોજેક્ટ વિભાગ ઝારખંડના મુખ્ય કોલસા ઉત્પાદક વિસ્તારમાંથી પસાર થાય છે. વધુમાં, તે પટના અને રાંચી વચ્ચે સૌથી ટૂંકી અને વધુ કાર્યક્ષમ રેલ લિંક તરીકે સેવા આપે છે. તેમજ બલ્લારી – ચિકજાજુર ડબલિંગ (185 કિમી.) – આ પ્રોજેક્ટ લાઇન કર્ણાટકના બલ્લારી અને ચિત્રદુર્ગ જિલ્લાઓ અને આંધ્રપ્રદેશના અનંતપુર જિલ્લામાંથી પસાર થાય છે.
આ યોજના મલ્ટી-મોડલ કનેક્ટિવિટી માટે પીએમ-ગતિ શક્તિ નેશનલ માસ્ટર પ્લાનનું પરિણામ છે, જે સંકલિત આયોજન દ્વારા શક્ય બન્યું છે અને લોકો, માલસામાન અને સેવાઓની અવરજવર માટે સીમલેસ કનેક્ટિવિટી પ્રદાન કરશે. ઝારખંડ, કર્ણાટક અને આંધ્રપ્રદેશ રાજ્યોના સાત જિલ્લાઓને આવરી લેતા આ બે પ્રોજેક્ટ્સ ભારતીય રેલ્વેના હાલના નેટવર્કમાં લગભગ 318 કિલોમીટરનો વધારો કરશે.
મંજૂર થયેલ મલ્ટી-ટ્રેકિંગ પ્રોજેક્ટ આશરે 28.19 લાખ વસ્તી ધરાવતા આશરે 1,408 ગામડાઓ સાથે જોડાણ વધારશે. કોલસો, આયર્ન ઓર, ફિનિશ્ડ સ્ટીલ, સિમેન્ટ, ખાતરો, કૃષિ ચીજવસ્તુઓ અને પેટ્રોલિયમ ઉત્પાદનો વગેરે જેવી ચીજવસ્તુઓના પરિવહન માટે આ આવશ્યક માર્ગો છે. ક્ષમતા વધારવાના કાર્યોના પરિણામે 49 MTPA (મિલિયન ટન પ્રતિ વર્ષ)ની તીવ્રતાનો વધારાનો માલ પરિવહન થશે. રેલવે પર્યાવરણને અનુકૂળ અને ઊર્જા કાર્યક્ષમ પરિવહન માધ્યમ હોવાથી, આબોહવા લક્ષ્યો પ્રાપ્ત કરવામાં અને દેશના લોજિસ્ટિક્સ ખર્ચ ઘટાડવામાં, તેલની આયાત (52 કરોડ લિટર) ઘટાડવામાં અને CO2 ઉત્સર્જન (264 કરોડ કિલોગ્રામ) ઘટાડવામાં મદદ કરશે, જે 11 કરોડ વૃક્ષોના વાવેતર સમાન છે .
