નરેન્દ્ર મોદી પાંચ દેશો પ્રવાસ સંપન્ન કરી દિલ્હી પરત ફર્યા

નવી દિલ્હીઃ પ્રધાનમંત્રી નરેન્દ્ર મોદી ઘાના, ત્રિનિદાદ અને ટોબેગો, આર્જેન્ટિના, બ્રાઝિલ અને નામિબિયાના પાંચ દેશોના સફળ પ્રવાસ બાદ આજે સ્વદેશ પરત ફર્યા છે. તેઓ દિલ્હી પહોંચ્યા છે, જ્યાં તેમના આગમન બાદ વિવિધ મંત્રીઓ અને અધિકારીઓએ તેમનું સ્વાગત કર્યું હતું. આ પ્રવાસ ભારતની વૈશ્વિક દક્ષિણ સાથેની સગાઈને વધુ ગાઢ બનાવવાનો અને નવા સહયોગી સંબંધો સ્થાપિત કરવાનો હતો.

પ્રધાનમંત્રીના આ પ્રવાસમાં અનેક દ્વિપક્ષીય અને બહુપક્ષીય બેઠકો યોજાઈ હતી, જેમાં વેપાર, રોકાણ, ઊર્જા, આરોગ્ય અને સંરક્ષણ જેવા વિવિધ ક્ષેત્રોમાં સહયોગ વધારવા પર ભાર મૂકવામાં આવ્યો હતો. બ્રાઝિલમાં યોજાયેલી BRICS સમિટમાં પણ તેમણે ભાગ લીધો હતો, જ્યાં ઉભરતી અર્થવ્યવસ્થાઓ વચ્ચે સહયોગ વધારવા માટે ભારતે પોતાની પ્રતિબદ્ધતા વ્યક્ત કરી હતી.