ભારતીય વાયુસેના દ્વારા ડ્રોનાથોન 2026ની તૈયારીઓ પૂર જોશમાં

•  પોખરણના આકાશમાં ભારતીય ડ્રોન ટેકનોલોજીનો દબદબો: ભારતીય વાયુસેના 14 સપ્ટેમ્બરથી યોજશે ‘ડ્રોનાથોન-2026’

જેસલમેર/નવી દિલ્હી, 12 સપ્ટેમ્બર, 2026: દેશમાં સંરક્ષણ ક્ષેત્રે ‘આત્મનિર્ભર ભારત’ અભિયાનને વધુ વેગ આપવાના ઉદ્દેશથી ભારતીય વાયુસેના (IAF) દ્વારા રાજસ્થાનના જેસલમેર સ્થિત પોખરણ ફિલ્ડ ફાયરિંગ રેંજ ખાતે ત્રણ દિવસીય ‘ડ્રોનાથોન-2026’ (Dronathon-2026) નું ભવ્ય આયોજન કરવામાં આવી રહ્યું છે.

આ ઈવેન્ટ 14 થી 16 સપ્ટેમ્બર 2026 દરમિયાન યોજાશે. આ કાર્યક્રમનો મુખ્ય હેતુ દેશના ઉદ્યોગ સાહસિકો, સંરક્ષણ ક્ષેત્રના સ્ટાર્ટ-અપ્સ અને ઇનોવેટર્સને એક સામાન્ય મંચ પૂરો પાડવાનો છે. આ ત્રિદિવસીય આયોજન દરમિયાન માનવરહિત વિમાન પ્રણાલી (UAS) અને કાઉન્ટર-ડ્રોન ટેકનોલોજી (CUAS) નું પ્રદર્શન અને લાઈવ ઓપરેશનલ ટેસ્ટિંગ કરવામાં આવશે.

આ પણ વાંચોઃ ભારતીય હવાઈ દળ દ્વારા ડ્રોનાથોન-2026નું આયોજન

સંરક્ષણ મંત્રાલયના જણાવ્યા મુજબ આ ઈવેન્ટમાં સ્ટેટિક ડિસ્પ્લે તેમજ લાઈવ ડેમોન્સ્ટ્રેશન બંને શામેલ હશે. આ દરમિયાન સર્વેલન્સ, સ્વોર્મ ટેકનોલોજી (એકસાથે અનેક ડ્રોનનું સંચાલન), ઓટોનોમસ ઓપરેશન્સ અને ઈલેક્ટ્રોનિક વોરફેર જેવી અદ્યતન ટેકનોલોજી પર વિશેષ ધ્યાન કેન્દ્રિત કરવામાં આવશે.

ભારતીય વાયુસેના આ પ્રદર્શન દ્વારા સ્વદેશી નિર્માતાઓની યુદ્ધક્ષેત્રીય ક્ષમતા અને ટેકનિકલ મજબૂતીનું મૂલ્યાંકન કરશે, જેથી ભવિષ્યની સુરક્ષા જરૂરિયાતો માટે ભારતીય સેનાને વધુ સજ્જ અને આત્મનિર્ભર બનાવી શકાય.

THREE DAYS TO GO for the Indian industry to take to the skies of Rajasthan for #Dronathon2026

As part of its push for #AtmanirbharBharat, the IAF is hosting #Dronathon2026 at the Pokhran Range, Jaisalmer from 14-16 Sep 2026.
The event will bring together Indian industry to… pic.twitter.com/UXix3T0lmz

— Indian Air Force (@IAF_MCC) September 11, 2026

આ અંગે વાયુસેનાએ તેના એક્સ હેન્ડલ ઉપર જણાવ્યું કે,

#Dronathon2026 માટે ભારતીય ઉદ્યોગ રાજસ્થાનના આકાશમાં ઉડાન ભરવા માટે હવે માત્ર 3 દિવસ બાકી #AtmanirbharBharat ના નિર્ધારને બળ આપવાના ભાગરૂપે, ભારતીય વાયુસેના (IAF) 14 થી 16 સપ્ટેમ્બર 2026 દરમિયાન જેસલમેરના પોખરણ રેંજ ખાતે #Dronathon2026 નું આયોજન કરી રહી છે. આ ઈવેન્ટ ભારતીય સંરક્ષણ ઉદ્યોગ, સ્ટાર્ટ-અપ્સ અને ઇનોવેટર્સને એકમંચ પર લાવીને દેશી (સ્વદેશી) ડ્રોન અને કાઉન્ટર-ડ્રોન ટેકનોલોજીનો વિકાસ કરવા, ચકાસણી કરવા અને તેનું પ્રદર્શન કરવા માટેનું વાતાવરણ પૂરું પાડશે.