રાજકોટમાં યોજાનારી વાયબ્રન્ટ ગુજરાત રિજિનલ કોન્ફરન્સમાં વડાપ્રધાન મોદી ઉપસ્થિત રહેશે
- રાજકોટમાં 10મી જાન્યુઆરીએ પીએમ મોદીનો રોડ શો યોજાશે
- વડાપ્રધાનને આગમનને લીધે વહિવટી તંત્ર તૈયારીઓમાં વ્યસ્ત બન્યું
- વડાપ્રધાન 5થી 6 કલાક રાજકોટમાં રોકાણ કરશે
રાજકોટઃ Vibrant Gujarat Regional Conference, PM Modi will be present રાજકોટ શહેરમાં આગામી તા. 10મી જાન્યુઆરીથી વાઈબ્રન્ટ ગુજરાત રીજયોનલ સમીટનું આયોજન કરવામાં આવ્યુ છે. જેમાં સૌરાષ્ટ્રભરના ઉદ્યોગકારો ભાગ લેશે. સમિટ દરમિયાન જુદા જુદા એક્ઝિબિશન પણ યોજાશે. સમિટના ઉદ્ઘાટન માટે વડાપ્રધાન નરેન્દ્ર મોદી 10મી જાન્યુઆરીએ રાજકોટની મુલાકાતે આવી રહ્યા છે. વડાપ્રધાનના રાજકોટના આગમનને લીધે વહિવટી તંત્ર દ્વારા તૈયારીઓ શરૂ કરી દેવામાં આવી છે. વડાપ્રધાનના રોડ શોનું જુના એરપોર્ટથી આયોજન પણ કરવામાં આવ્યું છે. આ રોડ શો માટેનો સંભવિત રૂટ પણ નિશ્ચિત કરી લેવાયો છે.
સૂત્રોના જણાવ્યા મુજબ વડાપ્રધાન મોદી રાજકોટના આંતરરાષ્ટ્રીય વિમાની મથકે (હિરાસર) પહોંચ્યા બાદ હેલિકોપ્ટર મારફત જુના એરપોર્ટ પર પહોંચીને ત્યાંથી માધાપર ચોકડી સુધીનો રોડ-શો કરશે અને ત્યાંથી સીધા મારવાડી યુનિવર્સિટી પર હંકારી જશે. મોદીના રોડ-શો માટે તંત્ર દ્વારા આ સંભવિત રૂટના માર્ગો નવેસરથી તૈયાર કરવા, આસપાસના દબાણો હટાવવા અને રૂટના બંને તરફ હજારો લોકો ઉપસ્થિત રહી શકે તેવી વ્યવસ્થા ગોઠવવામાં આવી રહી છે. વડાપ્રધાનના આગમન પહેલા એસપીજી સહિતના સુરક્ષા એજન્સીઓ પણ રાજકોટમાં આવશે અને તેઓ તૈયારીને આખરી ઓપ આપશે. મોદીના તમામ કાર્યક્રમો પીએમઓ દ્વારા તૈયાર થઈ રહ્યા છે અને તેઓ તા.10ના રોજ બપોરે ત્રણ વાગ્યા આસપાસ રાજકોટ પહોંચે તેવી ધારણા છે અને ચારથી પાંચ કલાકનું તેમનું રાજકોટમાં રોકાણ હશે જેમાં તેઓ મુખ્ય કાર્યક્રમ વાઈબ્રન્ટ ગુજરાત સમીટમાં હાજરી આપશે.
સુત્રોના કહેવા મુજબ વડાપ્રધાન મોદીના આગમન પૂર્વે ગુજરાત ભાજપના ટોચના નેતાઓ પણ રાજકોટ પહોંચશે અને તેઓ કેમ્પ કરીને રોડ શો સહીતના વડાપ્રધાનના કાર્યક્રમ અંગે માર્ગદર્શન આપશે. વાઇબ્રન્ટ ગુજરાત રીજ્યોનલ કોન્ફરન્સ જે તા.10ના રોજ શરુ થવાની છે તે પૂર્વે પણ રાજ્યના ટોચના મંત્રીઓ રાજકોટમાં પૂર્વ તૈયારી રુપે પહોંચશે.(File phot0)
