1. Home
  2. ગુજરાતી
  3. ગુજરાત
  4. ગુજરાતમાં વરસાદી માહોલ: 23 જિલ્લાઓમાં ઓરેન્જ એલર્ટ
ગુજરાતમાં વરસાદી માહોલ: 23 જિલ્લાઓમાં ઓરેન્જ એલર્ટ

ગુજરાતમાં વરસાદી માહોલ: 23 જિલ્લાઓમાં ઓરેન્જ એલર્ટ

0
Social Share

રાજ્યમાં એકસાથે ત્રણ વરસાદી સિસ્ટમ સક્રિય થવાને કારણે 3 સપ્ટેમ્બર સુધી હળવાથી મધ્યમ વરસાદની આગાહી કરવામાં આવી છે. હવામાન વિભાગના જણાવ્યા અનુસાર, આજે રાજ્યભરમાં વરસાદી માહોલ જોવા મળશે, જેમાં ખાસ કરીને ઉત્તર ગુજરાત અને અમદાવાદમાં અતિભારે વરસાદ પડી શકે છે.

હવામાન વિભાગે રાજ્યના 23 જિલ્લાઓ માટે ઓરેન્જ એલર્ટ જાહેર કર્યું છે, જે દર્શાવે છે કે આ વિસ્તારોમાં ભારે વરસાદની શક્યતા છે. આ સાથે, 41 થી 61 કિલોમીટર પ્રતિ કલાકની ઝડપે પવન ફૂંકાઈ શકે છે, જેના કારણે લોકોને સાવચેત રહેવા જણાવાયું છે.

ઉપરવાસમાં થઈ રહેલા ભારે વરસાદને કારણે સાબરમતી નદીમાં પાણીની આવક વધી છે. પરિણામે, વાસણા બેરેજના 14 દરવાજા ખોલવામાં આવ્યા છે અને હાલમાં 35914 ક્યુસેક પાણી છોડવામાં આવી રહ્યું છે. વધુ પાણી છોડવાની સંભાવના હોવાથી, વટવા, વેજલપુર, દસક્રોઈ અને ધોળકા આસપાસના નીચાણવાળા વિસ્તારોમાં રહેતા લોકોને સાવચેત રહેવા અને સુરક્ષિત સ્થળે ખસી જવા માટે અપીલ કરવામાં આવી છે.

LEAVE YOUR COMMENT

Your email address will not be published. Required fields are marked *

Join our WhatsApp Channel

And stay informed with the latest news and updates.

Join Now
revoi whats app qr code