ડેરિલ મિશેલ 1979 પછી ICC ODI બેટિંગ રેન્કિંગમાં ટોચ પર પહોંચનાર પ્રથમ કિવી ખેલાડી બન્યો
નવી દિલ્હી: ICC ODI બેટિંગ રેન્કિંગમાં ભૂતપૂર્વ ભારતીય કેપ્ટન રોહિત શર્માનું નંબર 1 બેટ્સમેન તરીકેનું શાસન સમાપ્ત થઈ ગયું છે. શર્માએ તાજેતરમાં સિડનીમાં ઓસ્ટ્રેલિયા સામે સદી ફટકાર્યા બાદ ટોચનું સ્થાન પાછું મેળવ્યું હતું. ન્યૂઝીલેન્ડનો ડેરિલ મિશેલ ICC બેટિંગ રેન્કિંગમાં નંબર-1 બેટ્સમેન બન્યો છે.
ડેરિલ મિશેલે વેસ્ટ ઈન્ડિઝ સામેની પ્રથમ વનડેમાં સદી ફટકારી, જે તેની કારકિર્દીની સાતમી વનડે સદી હતી. વેસ્ટ ઇન્ડીઝ સામેની પહેલી વનડેમાં ડેરિલ મિશેલની સદી રોહિત શર્માને પાછળ છોડી દેવા માટે પૂરતી સાબિત થઈ. મિશેલે નંબર વન સ્થાન પ્રાપ્ત કરીને ઇતિહાસ રચ્યો.
ડેરિલ મિશેલ પોતાની કારકિર્દીમાં પહેલીવાર ICC ODI બેટિંગ રેન્કિંગમાં ટોચના સ્થાને પહોંચનાર ન્યુઝીલેન્ડનો બીજો ખેલાડી બન્યો. આ પહેલા 1979માં, ગ્લેન ટર્નર આઈસીસી બેટિંગ રેન્કિંગમાં ટોચ પર રહેનાર પ્રથમ ન્યુઝીલેન્ડનો ખેલાડી બન્યો હતો.
માર્ટિન ક્રો, એન્ડ્રુ જોન્સ, રોજર ટોસ, નાથન એસ્ટલ, કેન વિલિયમસન, માર્ટિન ગુપ્ટિલ અને રોસ ટેલર સહિત ન્યુઝીલેન્ડના ઘણા બેટ્સમેન ટોચના પાંચમાં પહોંચી ગયા છે, પરંતુ કોઈ પણ નંબર 1 સુધી પહોંચી શક્યું નથી. ડેરિલ મિશેલ આ દુર્લભ ક્લબમાં ટર્નર સાથે જોડાય છે.
