ભારતીય સેનાની 10 મહિલા અધિકારીઓ INSV ત્રિવેણી પર સવાર થઈને વિશ્વભ્રમણ માટે રવાના
નવી દિલ્હીઃ ભારતીય સેનાની ત્રણેય પાંખ આર્મી, નેવી અને એરફોર્સની 10 મહિલા અધિકારીઓ આજે ઇતિહાસ રચવા જઈ રહી છે. તેઓ INSV ત્રિવેણી પર સવાર થઈને વિશ્વભ્રમણ માટે રવાના થશે. આ અનોખા અભિયાનને સંરક્ષણ મંત્રી રાજનાથ સિંહે વર્ચ્યુઅલી લીલી ઝંડી આપી પ્રસ્થાન કરાવ્યું હતું.
આ મહિલા દળ મુંબઈના ગેટવે ઓફ ઇન્ડિયાથી પોતાની ઐતિહાસિક સફર શરૂ કરશે. આ દળનું નેતૃત્વ લેફ્ટનન્ટ કર્નલ અનુજા વરુડકર કરી રહ્યા છે, જેમાં આર્મીની 5, વાયુસેનાની 5, અને નૌસેનાની 5 મહિલા અધિકારીઓનો સમાવેશ થાય છે.
આ અભિયાન હેઠળ આ દળ 26,000 નોટિકલ માઇલથી વધુની સફર કરશે. તેઓ વિશ્વના ત્રણ મહાન કેપ્સ—કેપ લીયુવિન, કેપ હોર્ન, અને કેપ ઓફ ગુડ હોપ—ની પરિક્રમા કરશે. આ સફર દરમિયાન તેઓ મુખ્ય મહાસાગરો અને ડ્રેક પેસેજ જેવા પડકારજનક અને જોખમી જળમાર્ગોને પણ પાર કરશે. આ અભિયાન મહિલા સશક્તિકરણનું ઉત્તમ ઉદાહરણ પૂરું પાડી રહ્યું છે અને ભારતની નારી શક્તિનો પરિચય કરાવશે.
