બેંગ્લોરઃ શ્રીલંકાએ પ્રધાનમંત્રી નરેન્દ્ર મોદીની મુલાકાત દરમિયાન 14 ભારતીય માછીમારોને મુક્ત કર્યા હતા. અગાઉ શનિવારે PM મોદી અને શ્રીલંકાના રાષ્ટ્રપતિ અનુરા કુમારા દિસાનાયકે વચ્ચે વિગતવાર ચર્ચા થઈ હતી, જેમાં માછીમારોની ધરપકડ અંગે ચર્ચા કરવામાં આવી હતી.
સંયુક્ત પ્રેસ બ્રીફિંગમાં તેમના ભાષણ દરમિયાન પીએમ મોદીએ કહ્યું કે “અમે માછીમારોના મુદ્દા પર ચર્ચા કરી. અમે સંમત થયા કે આપણે આ બાબતમાં માનવતાવાદી અભિગમ અપનાવવો પડશે. અમે માછીમારોને તાત્કાલિક મુક્ત કરવા અને તેમની બોટ પરત કરવા પર ભાર મૂક્યો હતો “.
ઉલ્લેખનીય છે કે, શ્રીલંકાના અધિકારીઓ દ્વારા ભારતીય માછીમારોની ધરપકડ, મુખ્યત્વે તમિલનાડુના તણાવનો મુદ્દો રહી છે. 2025ની શરૂઆતથી, શ્રીલંકાના દળો દ્વારા 119 ભારતીય માછીમારો અને 16 માછીમારી બોટની ધરપકડ કરવામાં આવી હોવાના અહેવાલ છે, જેના કારણે દરિયાકાંઠાના સમુદાયોમાં ચિંતા ફેલાઈ છે અને હસ્તક્ષેપ માટે વારંવાર અપીલ કરવામાં આવી છે.
બંને દેશોની બેઠક બાદ એક પત્રકાર પરિષદને સંબોધતા વિદેશ સચિવ વિક્રમ મિશ્રીએ જણાવ્યું હતું કે, “અમને જાણ કરવામાં આવી છે કે શ્રીલંકાના અધિકારીઓએ તાત્કાલિક 11 માછીમારોને મુક્ત કરવાનો નિર્ણય લીધો છે અને સંભવતઃ આગામી દિવસોમાં કેટલાક વધુ માછીમારોને મુક્ત કરવામાં આવશે.”
