રાષ્ટ્રગીત ‘વંદે માતરમ’ ના 150 વર્ષ નિમિત્તે ભાજપ આવતી કાલે ખાસ કાર્યક્રમનું આયોજન કરશે

નવી દિલ્હી: રાષ્ટ્રીય ગીત વંદે માતરમની 150મી વર્ષગાંઠ નિમિત્તે દેશભરમાં 150 મહત્વપૂર્ણ સ્થળોએ આયોજિત કાર્યક્રમોમાં સામૂહિક રીતે વંદે માતરમ ગાવામાં આવશે. પ્રધાનમંત્રી નરેન્દ્ર મોદી 7 નવેમ્બરના રોજ દિલ્હીના ઇન્દિરા ગાંધી સ્ટેડિયમ ખાતે આવા જ એક કાર્યક્રમમાં ભાગ લેશે.

ભાજપના રાષ્ટ્રીય મહાસચિવ તરુણ ચુગે પાર્ટી મુખ્યાલયમાં એક પત્રકાર પરિષદને સંબોધતા જણાવ્યું હતું કે પાર્ટી આ સિદ્ધિની ઉજવણી કરવાની યોજના ધરાવે છે.

ચુગે જણાવ્યું હતું કે આ પ્રસંગની ઉજવણી માટે 7 નવેમ્બરથી 26 નવેમ્બર (બંધારણ દિવસ) સુધી દેશભરમાં અનેક કાર્યક્રમો યોજાશે. 7 નવેમ્બરે, 150 મહત્વપૂર્ણ સ્થળોએ વંદે માતરમ ગાવામાં આવશે, ત્યારબાદ સ્વદેશી ઉત્પાદનોનો ઉપયોગ કરવાની પ્રતિજ્ઞા લેવામાં આવશે.