નાણાકીય વર્ષ 2024-25માં વૃદ્ધિ દર 6.4 ટકા રહેવાનો અંદાજઃ NSO

નવી દિલ્હીઃ નેશનલ સ્ટેટિસ્ટિકલ કાર્યાલય (NSO) એ મંગળવારે ચાલુ નાણાકીય વર્ષ દરમિયાન અર્થતંત્રના વિકાસ દરના તેના પ્રથમ આગોતરા અંદાજો જાહેર કર્યા હતા. NSO અનુસાર, નાણાકીય વર્ષ 2024-25માં વૃદ્ધિ દર 6.4 ટકા રહી શકે છે. NSO દ્વારા અનુમાનિત વૃદ્ધિ દર છેલ્લા નાણાકીય વર્ષના વિકાસ દર કરતાં ઘણો ઓછો છે. ગયા નાણાકીય વર્ષમાં દેશનો વિકાસ દર 8.2 ટકા હતો.આ અંદાજ માર્ચ 2025માં પૂરા થતા ચાલુ નાણાકીય વર્ષ માટે રિઝર્વ બેંક ઓફ ઈન્ડિયાના 6.6 ટકાના તાજેતરના અંદાજ કરતા ઓછો છે.

2024-25 માટે રાષ્ટ્રીય આવકના પ્રથમ આગોતરા અંદાજો બહાર પાડતા, NSOએ જણાવ્યું હતું કે, “વાસ્તવિક જીડીપી નાણાકીય વર્ષ 2024-25માં 6.4 ટકાના દરે વધવાનો અંદાજ છે, જ્યારે નાણાકીય વર્ષ 2023-24 માટે જીડીપીના કામચલાઉ અંદાજ (PE) એ 8.2 ટકાનો વૃદ્ધિ દર જણાવ્યો છે.