ભારત-એ પુરુષ હોકી ટીમે આયર્લેન્ડ સામે ભવ્ય જીત મેળવી
ભારત-એ પુરુષ હોકી ટીમે ચાલુ યુરોપ પ્રવાસની બીજી મેચમાં પોતાનું પ્રભાવશાળી પ્રદર્શન ચાલુ રાખીને આયર્લેન્ડને 6-0થી હરાવ્યું હતું. ઉત્તમ સિંહે ફરી એકવાર ભારત-એ ટીમ માટે પહેલો ગોલ કર્યો, ત્યારબાદ કેપ્ટન સંજયે ગોલ કર્યો હતો. મિડફિલ્ડર મોહમ્મદ રાહિલ મોહસીને ત્યારબાદ સતત બે શાનદાર ગોલ કર્યા હતો. તે જ સમયે, અમનદીપ લાકરા અને વરુણ કુમારે પણ એક-એક ગોલ કર્યો હતો. ભારત-એએ આયર્લેન્ડને 6-0થી હરાવીને દેશ માટે બીજી જીત નોંધાવી હતી. મેચ પછી, કોચ શિવેન્દ્ર સિંહે કહ્યું, “આયર્લેન્ડ સામેની અમારી બે મેચ ખરેખર શાનદાર રહી છે. હું ખેલાડીઓના પ્રદર્શનથી ખુશ છું. હવે અમે ફ્રેન્ચ ટીમ સામે રમીશું અને આશા રાખીએ છીએ કે અમે એટલું જ પ્રભાવશાળી પ્રદર્શન કરીશું.”
મંગળવારે, ભારતે હોકી ક્લબ ઓરાન્જે-રૂડ ખાતે આયર્લેન્ડ સામે 6-1થી શાનદાર જીત સાથે તેમના યુરોપ પ્રવાસની શરૂઆત કરી. ઉત્તમ સિંહે ટીમ માટે પહેલો ગોલ કર્યો અને બાદમાં અમનદીપે ટીમની લીડ વધારી. ત્યારબાદ આદિત્ય લાલગેએ સતત બે ગોલ કર્યા. ફોરવર્ડ સેલ્વમ કાર્તિ અને બોબી સિંહ ધામીએ પણ એક-એક ગોલ સાથે સ્કોરશીટમાં સ્થાન મેળવ્યું. આયર્લેન્ડ ફક્ત એક ગોલ કરી શક્યું. ભારત આગામી બે અઠવાડિયામાં ફ્રાન્સ, ઇંગ્લેન્ડ, બેલ્જિયમ અને યજમાન નેધરલેન્ડ્સ સામે રમશે.
યુરોપ પ્રવાસ પરની આ મેચો ખેલાડીઓની ઊંડાઈ અને તૈયારીની કસોટી કરી રહી છે. રાષ્ટ્રીય સેટઅપ ભારતીય સિનિયર ટીમ માટે એક મજબૂત પ્રતિભા પૂલ બનાવવા તરફ કામ કરી રહ્યું છે. આ પ્રવાસ દ્વારા, હોકી ઇન્ડિયાનું લક્ષ્ય ભારતીય પુરુષ રાષ્ટ્રીય ટીમ માટે પ્રતિભા પૂલને મજબૂત બનાવવા અને ભારતીય હોકીના આગામી સ્ટાર્સને આંતરરાષ્ટ્રીય મેચ રમવાનો અનુભવ આપવાનું છે. કેપ્ટન સંજય માને છે કે આ પ્રવાસ ટીમની તાકાતને સમજવાની એક શ્રેષ્ઠ તક છે.
