- ટ્રાફિકના નિયમોનો ભંગ કરનારા 66.681 વાહનચાલકોને મેમો અપાયા
- ઓવરસ્પિડમાં વાહન ચલાવતા 25.018 વાહનચાલકો પાસે દંડ વસુલાયો
- ટ્રાફિક પોલીસ દ્વારા સમયાંતરે વિવિધ રસ્તાઓ પર ડ્રાઈવ કરાશે
સુરત તા. 24 ડિસેમ્બર 2025: special drive of traffic police શહેરમાં વધતી જતા વસતી સાથે વાહનોની સંખ્યામાં વધારો થતા ટ્રાફિકની સમસ્યા વિકટ બની છે. મોટાભાગના વાહનચાલકોમાં ટ્રાફિક સેન્સના અભાવે ટ્રાફિક જામ અને અકસ્માતના બનાવો પણ વધી રહ્યા છે. ત્યારે શહેર ટ્રાફિક પોલીસ દ્વારા છેલ્લા 25 દિવસથી ખાસ ડ્રાઈવ હાથ ધરવામાં આવી છે. જેમાં 25 દિવસમાં ટ્રાફિકના નિયમોનો ભંગ કરતા 66,681 વાહનચાલકોને ઈ-ચલણ અને મેમો પકડાવ્યા છે. જેમાં 6,26,61,500 રૂપિયાનો દંડ ફટકારવામાં આવ્યો છે. શહેર ટ્રાફિક પોલીસની ડ્રકાઈવમાં સૌથી વધુ 25,018 કેસ ‘ઓવરસ્પીડ’ના નોંધાયા છે. સ્પીડ ગન અને હાઈ-ટેક કેમેરાની મદદથી પોલીસે ગલીએ-ગલીએ વોચ રાખી છે. અકસ્માત ઘટાડવાના બહાને પોલીસ જે રીતે દંડના ફટકા મારી રહી છે, તેનાથી વાહનચાલકોમાં ફફડાટ વ્યાપી ગયો છે.
સુરત શહેરમાં રોડ અકસ્માતના બનાવો વધતા જાય છે. અને વાહનચાલકોની બેદરકારી અકસ્માતો માટે કારણભૂત હોય છે. ત્યારે શહેર ટ્રાફિક પોલીસ દ્વારા ટ્રાફિકના નિયમો ભંગ કરનારા વાહનચાલકો સામે છેલ્લા 25 દિવસથી ખાસ ડ્રાઈવ હાથ ધરી છે. જેમાં ટ્રાફિકના નિયમોનો ભંગ કરતા 66,681 વાહનચાલકોને ઈ-ચલણ અને મેમો પકડાવ્યા છે. જેમાં 6,26,61,500 રૂપિયાનો દંડ ફટકારવામાં આવ્યો છે. ટ્રાફિકના મુખ્ય નિયમોમાં રોંગ સાઈડ ડ્રાઈવિંગ કરનારા 4,303 વાહનચાલકોને પોલીસે 1,500 રૂપિયાના ચલણ પકડાવ્યા છે. જ્યારે સિગ્નલ તોડનારા 13,708 ચાલકોને 500 રૂપિયાનો મેમો ઘરે પહોંચતો કરવામાં આવ્યો છે. પોલીસની આ આક્રમક કામગીરીમાં માત્ર એક જ દિવસમાં અધધ 2,622 કેસ નોંધીને રેકોર્ડ બ્રેક કામગીરી કરવામાં આવી છે.
જ્યારે હેલ્મેટ વગર રજવાડી ઠાઠમાં ફરતા 3,382 લોકો પણ પોલીસની નજરમાંથી બચ્યા નથી, તેમને 500 રૂપિયા લેખે દંડ ફટકારાયો છે. આ ઉપરાંત અન્ય પરચૂરણ ટ્રાફિક ભંગ બદલ 20,270 કેસ કરવામાં આવ્યા છે, જેમાં પ્રત્યેકને 500 રૂપિયાના ચલણ આપવામાં આવ્યા છે. પોલીસનો સ્પષ્ટ ઈશારો છે કે, હવે માત્ર સમજાવટ નહીં, પણ સીધા ચલણથી જ વાત થશે. આ કડક ઝુંબેશ પાછળ પોલીસનો તર્ક છે કે, માર્ગ અકસ્માતો ઘટાડવા માટે આ પ્રકારની સખ્તાઈ જરૂરી છે. આગામી દિવસોમાં આ ઝુંબેશ વધુ કડક બનાવવામાં આવશે. (File photo)
