જાણીતી અભિનેત્રી શેફાલી જરીવાલાનું 42 વર્ષની વયે કાર્ડિયાક અરેસ્ટથી નિધન
‘કાંટા લગા’ ગીતને કારણે ફેમસ થયેલ જાણીતી અભિનેત્રી શેફાલી જરીવાલાનું 42 વર્ષની વયે અવસાન થયું છે. અહેવાલો અનુસાર, તેમનું મૃત્યુ હાર્ટ એટેકને કારણે થયું હતું. તેમનો મૃતદેહ હાલમાં કૂપર હોસ્પિટલમાં છે.
હોસ્પિટલના રિસેપ્શનિસ્ટને ટાંકીને લખ્યું છે કે અભિનેત્રીને 27મી તારીખે રાત્રે હાર્ટ એટેક આવ્યો હતો અને હવે તે નથી. અહેવાલો અનુસાર, તેના પતિ અને અભિનેતા પરાગ ત્યાગી તેને તાત્કાલિક હોસ્પિટલ લઈ ગયા જ્યાં તેને મૃત જાહેર કરવામાં આવી. શેફાલીના અચાનક દુનિયા છોડી જવાથી મનોરંજન જગતમાં શોકનું મોજું ફરી વળ્યું છે.
સેલિબ્રિટીઓ શ્રદ્ધાંજલિ આપી
ગાયક રાહુલ વૈદ્યએ પોતાની ઇન્સ્ટા સ્ટોરી પર અભિનેત્રીનો ફોટો પોસ્ટ કરીને શ્રદ્ધાંજલિ આપી છે. ગાયક મીકા સિંહે પણ શ્રદ્ધાંજલિ આપી અને લખ્યું, ‘હું ખૂબ જ આઘાત અને દુઃખી છું, આપણો પ્રિય સ્ટાર અને એક સારો મિત્ર આપણને છોડીને ચાલ્યો ગયો છે.’
‘કાંટા લગા’ ગીતથી ફેસમ થઈ
શેફાલી જરીવાલાએ 2002 માં આવેલા ‘કાંટા લગા’ ગીતથી દરેક ઘરમાં પોતાની ઓળખ બનાવી હતી. લોકો આજે પણ આ રિમિક્સ ગીત સાંભળે છે. આ પછી, શેફાલી 2004 માં અક્ષય કુમાર અને સલમાન ખાન સાથે ‘મુઝસે શાદી કરોગી’ ફિલ્મમાં પણ જોવા મળી હતી.
આ અભિનેત્રી ‘બિગ બોસ 13’ માં પણ જોવા મળી છે. આ અભિનેત્રી સલમાન ખાનના લોકપ્રિય શો ‘બિગ બોસ’ ની 11મી સીઝનમાં પણ સ્પર્ધક તરીકે જોવા મળી છે. સિદ્ધાર્થ શુક્લા પણ આ સીઝનમાં હતા અને તેમણે પણ આ રીતે પોતાના ચાહકોને દુઃખી કરીને છોડી દીધા.
