યમનમાં અમેરિકાના હવાઈ હુમલા વધ્યાં, હુથીના શસ્ત્રોના ડેપો અને મિસાઈલ પ્લેટફોર્મનો નાશ
યમનની રાજધાની સનામાં યુએસ હવાઈ હુમલાના નવા રાઉન્ડમાં સાત મહિલાઓ અને બે બાળકો સહિત ઓછામાં ઓછા નવ લોકો ઘાયલ થયાનું હુથી સંચાલિત અલ-મસિરાહ ટીવીએ જણાવ્યું હતું. ચેનલે અહેવાલ આપ્યો છે કે સનાના ગેરાફ વિસ્તારમાં નિર્માણાધીન ઇમારતને નિશાન બનાવીને હુમલા કરવામાં આવ્યા હતા, જેમાં નજીકના રહેણાંક માળખાને નુકસાન થયું હતું અને બાજુની ઇમારતમાં આશ્રય લેનારા નાગરિકો ઘાયલ થયા હતા.
હુથી-નિયંત્રિત આરોગ્ય અધિકારીઓના જણાવ્યા અનુસાર, શનિવાર પછી આ હુમલો આ પ્રદેશ પર બીજો યુએસ હુમલો છે, જ્યારે અગાઉના હુમલાઓમાં 53 લોકો માર્યા ગયા હતા અને 98 લોકો ઘાયલ થયા હતા, જેમાં મહિલાઓ અને બાળકોનો સમાવેશ થાય છે. આ હુમલાઓ અન્ય વિસ્તારોમાં પણ વિસ્તર્યા હતા. અલ-મસિરાહે સાદા, અલ-બાયદા, હોદેદાહ અને અલ-જૌફ જેવા ગવર્નરેટમાં હુથી-નિયંત્રિત વિસ્તારો પર હુમલાઓ થયાનું જાણવા મળે છે.
ઉત્તરી યમનને નિયંત્રિત કરતા હુથીઓએ અગાઉ દાવો કર્યો હતો કે તેમણે લાલ સમુદ્રમાં યુએસએસ હેરી ટ્રુમેન પર ક્રુઝ મિસાઇલો છોડી હતી, અને તેને 72 કલાકમાં આ પ્રકારનો તેમનો ચોથો હુમલો ગણાવ્યો હતો. આ જૂથનો આગ્રહ છે કે તેના દરિયાઈ હુમલાઓ ફક્ત ઇઝરાયલ સાથે જોડાયેલા જહાજોને નિશાન બનાવે છે જેથી ઇઝરાયલ પર ગાઝા પરના તેના આક્રમણને રોકવા અને પેલેસ્ટિનિયન પ્રદેશમાં માનવતાવાદી સહાય પહોંચાડવા માટે દબાણ કરી શકાય.
