HomeગુજરાતીગુજરાતUPSCમાં ગુજરાતના 34 ઉમેદવારોએ મેળવી સિદ્ધિ, નિશાર દિશાંતએ મેળવ્યો 19મો રેન્ક

UPSCમાં ગુજરાતના 34 ઉમેદવારોએ મેળવી સિદ્ધિ, નિશાર દિશાંતએ મેળવ્યો 19મો રેન્ક

અમદાવાદ, 06 માર્ચ 2026: 34 candidates from Gujarat achieved success in UPSC, યુપીએસસી (યુનિયન પબ્લિક સર્વિસ કમિશન)ની પરીક્ષામાં ગુજરાતના 34 ઉમેદવારોએ ઝળહળતી સિદ્ધિ મેળવી છે. યુપીએસસીનું 2025નું ફાઈનલનું આજે  રિઝલ્ટ જાહેર થતાં દેશમાં કૂલ 958 ઉમેદવારો વિવિધ સેવાઓ માટે ક્વોલિફાય થયા છે. જેમાં ગુજરાતના (SPIPA)ના 34 ઉમેદવારો બાજી મારવામાં સફળ રહ્યા છે. ગુજરાતના નિસાર દિશાંતે ઓલ ઈન્ડિયા 19મો રેન્ક પ્રાપ્ત કર્યો છે.

સંઘ લોક સેવા આયોગ (UPSC) આજે શુક્રવારે યુપીએસસી સિવિલ સેવા 2025નું ફાઇનલ પરિણામ જાહેર કરી દીધું છે. દેશમાં અનુજ અગ્નિહોત્રીને આ પ્રતિષ્ઠિત પરીક્ષામાં પહેલું સ્થાન મેળવ્યું છે. અનુજ બાદ રાજેશ્વરી સુવે બીજા તો આકાંશ ધૂલશીર્ષે ત્રીજો ક્રમાંક મેળવી મોટી સફળતા હાંસલ કરી છે. ટોપ 10માં 3 મહિલા ઉમેદવારોનું વર્ચસ્વ આ વખતે પણ જળવાયું છે. 958 ઉમેદવારો વિવિધ સેવાઓ માટે ક્વોલિફાય થયા છે. જેમાં ગુજરાતના 34 ઉમેદવારોનો સમાવેશ થાય છે.

ગયા વર્ષ કરતા આ વર્ષે વધારે ગુજરાતી ઉમેદવારોએ UPSC ક્વોલિફાય કરી છે. આ વર્ષે અમદાવાદમાં તાલીમ લીધેલા SPIPAના 82 ઉમેદવારોએ UPSCની પરીક્ષા આપી હતી. જેમાંથી SPIPAના કુલ 34 ઉમેદવારોએ UPSC ક્વોલિફાય કરી છે. જો કે ગયા વર્ષે SPIPAના 27 ઉમેદવારોએ UPSC ક્વોલિફાય કરી હતી. જેથી ગત વર્ષે કરતા આ વર્ષે ક્વોલિફાય થનાર ઉમેદવારોની સંખ્યામાં વધારો થયો છે. જેમાં મહત્વની બાબત એ છે કે નિસાર દિશાંત અમૃતલાલે 19માં રેન્ક સાથે UPSC ક્વોલિફાય કરી છે.

ગુજરાતમાં જાહેર થયેલા લિસ્ટ મુજબ, નિસાર દિશાંતે ઓલ ઈન્ડિયા 19મો રેન્ક મેળવ્યો છે. તેમની આ સિદ્ધિ અન્ય લાખો ઉમેદવારો માટે પ્રેરણારૂપ બની છે. આ ઉપરાંત ચૌધરી વિપુલભાઈ (115મો રેન્ક), ભાવેશ જગલાન (128મો રેન્ક), પંકજ સોની (130મો રેન્ક), સૌરભ શર્મા (146મો રેન્ક) ટોપ 150માં સ્થાન હાંસલ કર્યું છે.

spot_img
spot_img
સંબંધિત લેખો
spot_img
spot_img

Most Popular

spot_img