1. Home
  2. ગુજરાતી
  3. ગુજરાત
  4. ગુજરાતના ગ્રામ્ય વિસ્તારોમાં વધુ 34 પ્રાથમિક આરોગ્ય કેન્દ્રોને મંજુરી અપાઈ
ગુજરાતના ગ્રામ્ય વિસ્તારોમાં વધુ 34 પ્રાથમિક આરોગ્ય કેન્દ્રોને મંજુરી અપાઈ

ગુજરાતના ગ્રામ્ય વિસ્તારોમાં વધુ 34 પ્રાથમિક આરોગ્ય કેન્દ્રોને મંજુરી અપાઈ

0
Social Share
  • રાજ્યના આરોગ્ય મંત્રી ઋષિકેશ પટેલે ટ્વીટ કરીને આપી માહિતી
  • 21 જિલ્લામાં નવા 34 પ્રા. આરોગ્ય કેન્દ્રોથી ગ્રામીણ લોકોને લાભ મળશે
  • રાજ્યમાં હાલ 1499 પ્રા આરોગ્ય કેન્દ્રો કાર્યરત છે

ગાંધીનગરઃ રાજ્યના ગ્રામીણ વિસ્તારમાં લોકોને આરોગ્યની સુવિધા મળી રહે તે માટે રાજ્ય સરકારે જુદા જુદા ગામડાંઓમાં 34 નવા પ્રાથમિક આરોગ્ય કેન્દ્રને મંજુરી આપવામાં આવી છે. આ માહિતી રાજ્યના આરોગ્ય મંત્રી ઋષિકેશ પટેલે ટ્વિટ કરીને આપી હતી.

ગુજરાત સરકારે ગ્રામ્ય વિસ્તારના લોકો માટે જનહિતનો વધુ એક નિર્ણય લીધો છે. વસ્તીના ઘોરણો ઉપરાંત જીઓ સ્પેશિયલ એનાલિસિસ અને આરોગ્ય કેન્દ્રો વચ્ચેના અંતરને ધ્યાને લઇ નવીન 34 નવીન પ્રાથમિક આરોગ્ય કેન્દ્રોને  વહીવટી મંજૂરી અપાઈ છે. આરોગ્યમંત્રી ઋષિકેશ પટેલે રાજ્યમાં 21 જિલ્લામાં નવીન 34 આરોગ્ય કેન્દ્રોને વહીવટી મંજૂરી આપી છે.

રાજ્યના આરોગ્ય મંત્રીએ જણાવ્યું હતું કે, રાજ્યના ગ્રામ્ય આરોગ્ય સેવાઓને વધુ સુદ્રઢ અને લોકઉપયોગી બનાવવા આ કેન્દ્રો મહત્વના બની રહેશે. ભારત સરકારના નિયત માપદંડો પ્રમાણે હાલ રાજ્યમાં 2011ની ગ્રામ્ય વસ્તીના ધારાધોરણો મુજબ કુલ 1499 પ્રા.આ.કેન્દ્રો પુરતા પ્રમાણમાં મંજુર અને કાર્યરત છે. હવે નવા 34 પ્રાથમિક આરોગ્ય કેન્દ્રોને મંજુરી આપવામાં આવી છે.

રાજ્યમાં 21 જિલ્લાઓમાં કુલ 34 જેટલા પ્રાથમિક આરોગ્ય કેન્દ્રો (P.H.C) ને વહીવટી  મંજૂરી આપી છે. રાજ્યના ગ્રામ્ય આરોગ્ય માળખાને વધુ સુદ્રઢ અને લોકઉપયોગી બનાવવા આ કેન્દ્રો મહત્વના બની રહેશે. હાલમાં રાજ્યમાં ભારત સરકારના ગ્રામ્ય વસ્તીના ધારાધોરણો મુજબ આરોગ્ય કેન્દ્રો મંજુર કરવામાં આવે છે. જે મુજબ સામાન્ય વિસ્તારમાં 30,000 અને આદિજાતિ વિસ્તારમાં 20,000ની ગ્રામ્ય વસ્તીએ એક પ્રાથમિક આરોગ્ય કેન્દ્ર મંજુર કરવામાં આવે છે. રાજ્યમાં 2011 ની ગ્રામ્ય વસ્તીના ધારા ધોરણો મુજબ કુલ 1499 પ્રા.આ.કેન્દ્રો પુરતા પ્રમાણમાં મંજુર અને કાર્યરત છે. હાલ આ પ્રાથમિક કેન્દ્રોની મંજૂરીમાં ભૌગોલિક પરિસ્થિતિને આધારે ઉક્ત વસ્તીના ધારાધોરણો ધ્યાને ન લેતા જીઓ સ્પેશિયલ એનાલિસિસના આધારે આરોગ્ય કેન્દ્રો વચ્ચેના અંતરને ધ્યાને લઈ કુલ 34 પ્રાથમિક આરોગ્ય કેન્દ્રો મંજુર કરવામાં આવેલ છે. જેથી આવા અંતરિયાળ અને દુર્ગમ વિસ્તારમાં આરોગ્ય સેવાઓ સુચારૂ રૂપે પુરી પાડી શકાશે. અત્રે ઉલ્લેખનીય છે કે, એક પ્રાથમિક આરોગ્ય કેન્દ્રમાં મેડિકલ ઓફિસર , લેબોરેટરી ટેકનીશીયન, જુનિયર ફાર્માસિસ્ટ,સીનીયર ક્લાર્ક સહિતના અન્ય સ્ટાફની નિમણૂંક કરાય છે.

LEAVE YOUR COMMENT

Your email address will not be published. Required fields are marked *

Join our WhatsApp Channel

And stay informed with the latest news and updates.

Join Now
revoi whats app qr code