જમ્મુ-કાશ્મીરમાં ભૂકંપ, 4.1ની તીવ્રતા નોંધાઈ

જમ્મુઃ શનિવારે સવારે જમ્મુ અને કાશ્મીરમાં ભૂકંપના આંચકા અનુભવાયા હતા. રાજ્યમાં આવેલા ભૂકંપની તીવ્રતા રિક્ટર સ્કેલ પર 4.1 માપવામાં આવી હતી.

મળતી માહિતી મુજબ, આ ભૂકંપને કારણે અત્યાર સુધી કોઈ જાનમાલના નુકસાનના સમાચાર નથી. ભૂકંપનું કેન્દ્ર જમીનથી 5 કિલોમીટર નીચે માપવામાં આવ્યું હતું. જમ્મુ અને કાશ્મીરની સાથે, હિમાચલ પ્રદેશના ધર્મશાલા શહેરમાં પણ ભૂકંપના આંચકા અનુભવાયા હતા. આ ભૂકંપ 33 ડિગ્રી ઉત્તર અક્ષાંશ અને 76.14 ડિગ્રી પૂર્વ રેખાંશ પર આવ્યો હતો.