નવી દિલ્હીઃ સીબીઆઈ ટીમે છત્તીસગઢની રાજધાની રાયપુર અને ભિલાઈમાં દરોડા પાડ્યા હતા. એજન્સીએ પૂર્વ મુખ્યમંત્રી ભૂપેશ બઘેલના નિવાસસ્થાને દરોડા પાડ્યા હતા. મહાદેવ સટ્ટાબાજી એપ કેસમાં બઘેલના ઘર સહિત ઘણી જગ્યાએ દરોડા પાડવામાં આવી રહ્યા છે. ED બાદ હવે CBI એ પણ મહાદેવ બેટિંગ એપ કેસમાં તપાસ શરૂ કરી છે. આ કેસમાં હજારો કરોડ રૂપિયાની છેતરપિંડી થઈ હતી. સીબીઆઈના અધિકારીઓ વહેલી સવારે ભિલાઈ અને રાયપુરના નિવાસસ્થાનો પર પહોંચ્યા.
ભૂપેશ બઘેલના કાર્યાલયે સોશિયલ મીડિયા પોસ્ટમાં જણાવ્યું
અધિકારીઓએ જણાવ્યું હતું કે એજન્સીની ટીમોએ રાયપુર અને ભિલાઈમાં બઘેલના નિવાસસ્થાન તેમજ એક વરિષ્ઠ પોલીસ અધિકારી અને ભૂતપૂર્વ મુખ્યમંત્રીના નજીકના સહાયકના રહેણાંક પરિસરમાં દરોડા પાડ્યા હતા. ભૂપેશ બઘેલના કાર્યાલયે સોશિયલ મીડિયા પોસ્ટમાં જણાવ્યું હતું કે, હવે CBI આવી ગઈ છે. ભૂતપૂર્વ મુખ્યમંત્રી ભૂપેશ બઘેલ 8 અને 9 એપ્રિલના રોજ અમદાવાદ (ગુજરાત) માં યોજાનારી AICC બેઠક માટે રચાયેલી “ડ્રાફ્ટિંગ કમિટી” ની બેઠક માટે આજે દિલ્હી જવાના છે. તે પહેલા CBI રાયપુર અને ભિલાઈના નિવાસસ્થાને પહોંચી ચૂકી છે. મહાદેવ બેટિંગ એપ એ ઓનલાઈન સટ્ટાબાજી માટે બનાવેલી એપ છે.
હાદેવ સટ્ટાબાજી એપ્લિકેશન ઘણી શાખાઓમાંથી ચલાવવામાં આવતી
તેના પર યુઝર્સ પોકર, કાર્ડ ગેમ્સ, ચાન્સ ગેમ્સ નામની લાઇવ રમતો રમતા હતા. આ એપ દ્વારા ક્રિકેટ, બેડમિન્ટન, ટેનિસ, ફૂટબોલ અને ચૂંટણી જેવી રમતો પર પણ ગેરકાયદેસર સટ્ટો રમાતો હતો. આ એપનું નેટવર્ક ગેરકાયદેસર સટ્ટાબાજીના નેટવર્ક દ્વારા ઝડપથી ફેલાયું અને મોટાભાગના ખાતા છત્તીસગઢમાં ખોલવામાં આવ્યા હતા. આ એપ દ્વારા છેતરપિંડી માટે સંપૂર્ણ બ્લુપ્રિન્ટ બનાવવામાં આવી હતી. મહાદેવ સટ્ટાબાજી એપ્લિકેશન ઘણી શાખાઓમાંથી ચલાવવામાં આવતી હતી. સૌરભ ચંદ્રાકર અને રવિ ઉપ્પલ દ્વારા દરેક શાખા ફ્રેન્ચાઇઝી તરીકે વેચવામાં આવી હતી.
એક પરિસરમાંથી કેટલાક ઇલેક્ટ્રોનિક ગેજેટ્સ અને દસ્તાવેજો પણ જપ્ત કર્યા
યુઝર્સને શરૂઆતમાં જ ફાયદો થતો અને બાદમાં નુકસાન થતું હતું. આ સટ્ટાબાજી એપ રેકેટ એક મશીનની જેમ કામ કરે છે, જેમાં એક અલ્ગોરિધમ સુનિશ્ચિત કરે છે કે એપમાં પોતાના પૈસા રોકાણ કરનારા ગ્રાહકોમાંથી ફક્ત 30 ટકા જ જીતે છે. તાજેતરમાં ED એ ભૂપેશ બઘેલના નિવાસસ્થાનેથી મોટી રકમ રોકડ મળી હોવાનો દાવો કર્યો હતો. રૂપિયા ગણવા માટે ED અધિકારીઓએ બે મશીનો મંગાવ્યા હતા. ED એ ભૂપેશ બઘેલના પુત્ર ચૈતન્ય બઘેલ સાથે જોડાયેલા એક પરિસરમાંથી કેટલાક ઇલેક્ટ્રોનિક ગેજેટ્સ અને દસ્તાવેજો પણ જપ્ત કર્યા છે. આ કેસ દારૂ કૌભાંડ સાથે સંબંધિત હતો
