યુપીમાં કમોસમી વરસાદ અને કરા પડતા ખેડૂતોની મુશ્કેલીઓ વધી, વીજળી પડતા બેના મોત

લખનૌઃ ગુરુવારે રાજ્યના વિવિધ ભાગોમાં કમોસમી વરસાદ, કરા, તોફાન, વીજળી પડવાની ઘટનાઓની નોંધ લેતા, મુખ્યમંત્રી યોગી આદિત્યનાથે અસરગ્રસ્ત જિલ્લાઓના અધિકારીઓને સંપૂર્ણ તૈયારી સાથે રાહત કામગીરી હાથ ધરવા નિર્દેશ આપ્યો છે. ફિરોઝાબાદમાં વીજળી પડવાથી એક મહિલા સહિત બે લોકોના મોત થયા હતો.

ભારતીય હવામાન વિભાગ, લખનૌ કાર્યાલયે ગુરુવારે વરસાદ અને વીજળી પડવાની જિલ્લાવાર ચેતવણી જારી કરી છે. હવામાન વિભાગે કહ્યું છે કે, કૌશામ્બી, વારાણસી, જૌનપુર, ગાઝીપુર, આઝમગઢ, લખનૌ, બારાબંકી, રાયબરેલી સહિત અનેક જિલ્લાઓમાં ભારે વરસાદ પડી શકે છે અને વીજળી પડી શકે છે. દરમિયાન  મુખ્યમંત્રીએ ગુરુવારે જિલ્લા મેજિસ્ટ્રેટ્સને અસરગ્રસ્ત વિસ્તારોની મુલાકાત લેવા, રાહત પ્રયાસોનું નજીકથી નિરીક્ષણ કરવા અને પ્રતિકૂળ હવામાનથી પ્રભાવિત લોકોને તાત્કાલિક સહાય પૂરી પાડવાનો નિર્દેશ આપ્યો હતો.

તેમણે પાકના નુકસાનનું વિગતવાર મૂલ્યાંકન કરવા અને રાજ્ય સરકારને તાત્કાલિક અહેવાલ સુપરત કરવાનો પણ નિર્દેશ આપ્યો હતો. આનાથી વહીવટીતંત્રને યોગ્ય પગલાં લેવામાં અને અસરગ્રસ્ત ખેડૂતોને સહાય પૂરી પાડવામાં મદદ મળશે. ઉલ્લેખનીય છે કે ગુરુવારે લખનૌ સહિત રાજ્યના વિવિધ ભાગોમાં તોફાન અને ભારે વરસાદ પડ્યો હતો. ઘણી જગ્યાએ વીજળી પણ પડી છે. બીજી તરફ, ગુરુવારે સવારે ફિરોઝાબાદમાં વાવાઝોડા દરમિયાન વીજળી પડવાથી એક મહિલા સહિત બે લોકોના મોત થયા હતા.

અધિક જિલ્લા મેજિસ્ટ્રેટ વિશુ રાજાએ જણાવ્યું હતું કે, પહેલી ઘટના તહેસીલ સદર વિસ્તારના નરખી પોલીસ સ્ટેશન વિસ્તારના દૌલતપુર ગામમાં બની હતી, જ્યાં એક મહિલા લલિતા દેવી (30), જે તેના ખેતરમાં કામ કરી રહી હતી, તેનું વીજળી પડવાથી મૃત્યુ થયું હતું. દરમિયાન, બીજી ઘટનામાં, થાણા જસરાણા વિસ્તાર હેઠળના ચનારી ગામમાં, પદમ વીર સિંહ (32) નામના ખેડૂતનું ખેતરમાં કામ કરતી વખતે વીજળી પડવાથી મૃત્યુ થયું હતું.