મુંબઈઃ મહારાષ્ટ્રના પુણેમાં એક દુ:ખદ ઘટના બની છે, જ્યાં એક કંપનીના વાહનમાં આગ લાગી હતી, જેમાં ચાર કર્મચારીઓ જીવતા ભડતું થઈ ગયા હતા. આ ઘટના પુણેના પિંપરી ચિંચવાડ વિસ્તારના હિંજેવાડી વિસ્તારમાં બની હતી. પોલીસે જણાવ્યું કે, એક ખાનગી કંપનીનો ટેમ્પો ટ્રાવેલર કર્મચારીઓને લઈને ઓફિસ આવી રહ્યો હતો.
પોલીસે જણાવ્યું કે, રસ્તામાં, દસોલ્ટ સિસ્ટમ્સ નજીક વાહનમાં આગ લાગી હતી. આ પછી, ડ્રાઇવરે વાહન ધીમું કર્યું અને તેને રોક્યું, પરંતુ અચાનક વાહનમાં આગ વધુ તીવ્ર બની ગઈ, જેના કારણે ઘણા કર્મચારીઓ નીચે ઉતરી ગયા, પરંતુ ચાર તેમાં ફસાયા હતા. આ ચારેય આગમાં ભડથું થઈ ગયા હતા.
પોલીસે જણાવ્યું કે, આગ લાગતાની સાથે જ ચાર કર્મચારીઓ તરત જ વાહનમાંથી બહાર નીકળી ગયા. કેટલાક કર્મચારીઓએ વાહનના પાછળના એક્ઝિટ ગેટમાંથી ભાગી જવાનો પ્રયાસ કર્યો, પરંતુ ગેટ ખુલ્યો નહીં, જેના કારણે વાહનમાં ચાર કર્મચારીઓ બળીને ભડથું થઈ ગયા. આ અકસ્માતમાં પાંચ કર્મચારીઓ ઘાયલ થયા હતા. પોલીસે જણાવ્યું કે વાહનમાંથી મૃતદેહો કાઢીને પોસ્ટમોર્ટમ માટે મોકલવામાં આવ્યા છે અને ઘાયલોની હોસ્પિટલમાં સારવાર ચાલી રહી છે.
